काठमाडौं । नेपाल सुपर लिग फुटबलको उपाधि ललितपुर सिटी एफसीले जितेको छ ।
शनिबार काठमाडौंको दशरथ रंगशालामा भएको फाइनल खेलमा धनगढी एफसीलाई ३-२ ले पराजित गर्दै ललितपुरले उपाधि जितेको हो । उपाधिसँगै ललितपुरले ७० लाख रुपैयाँ पाएको छ ।
खेलको ३७ औं मिनेटमा धनगढीका आफिज ओलावालेले गोल गरेर अग्रता दिलाए थिए ।
खेलमा सुरुवाती अग्रता धनगढीले लिएपनि पहिलो हाफमै ललितपुरले खेल बराबरीमा ल्याएको थियो । दोस्रो हाफमा ललितपुरले दुई गोल थप्दै खेल ३–१ गोलले अगाडि बढाएको थियो ।
ललितपुरका इमो इजक्वेलले दुई र दिनेश हेन्जनले एक गोल गरेका थिए । खेलको ५०औं मिनेटमा ललितपुरका दिनेश हेन्जनले गोल गर्दै टिमलाई अग्रता दिलाएका थिए । ५९औं मिनेटमा ललितपुरका इमोहले व्यक्तिगत दोस्रो गोल गर्दै टिमलाई दोब्बर अग्रता दिलाएका थिए ।
धनगढीले दोस्रो हाफको इन्जुरी समयमा १ गोल फर्काए पनि जितका लागि पर्याप्त हुन सकेन । गत सिजनमा पनि उपविजेतामा सीमित बनेको धनगढी यो सिजनमा पनि निरास बन्न पुग्यो ।
Like
Love
Happy
Surprised
Sad
Excited
Angry
