काठमाडौं । चलचित्र ‘महाजात्रा’को छायांकन सकिएको छ । काठमाडौंका विभिन्न स्थानमा छायांकन गरेको निर्माण पक्षले ४६ दिनमा सुटिङ सकिएको जनाएको छ । छायांकनमा खट्ने प्राविधिकको प्रोत्साहनका लागि हप्तैपिच्छे नगद र ताम्रपत्रले सम्मान गर्ने परम्पराको थालनी महाजात्रा टिमले गरेको छ । निर्माताका अनुसार सात हप्तामा सात प्राविधिक टिमलाई हप्तैपिच्छे सम्मान गरिएको थियो । पहिलो साता आर्ट डिपार्टमेन्टबाट यस्तो सम्मानको थालनी भएको थियो । त्यसपछि यातायात, प्रकाश संयोजन, क्यामेरा, किचन, स्पट, ध्वनि, हेयर एण्ड मेकअपलाई सम्मान दिइएको थियो । उनीहरूलाई पाँच हजार नगद र सम्मानपत्र प्रदान गरिएको थियो ।
चलचित्रमा हरिवंश आचार्य, विपिन कार्की, रविन्द्रसिंह बानियाँ, रवीन्द्र झा, वर्षा राउत, अर्जुनजंग शाही, प्रकाश घिमिरे, राजाराम पौडेल, प्रवीण खतिवडा, दिव्यदेव, सुमन कार्की, शिशिर बाङ्देल, गौमाया गुरुङ, अरविन खड्कालगायतको अभिनय छ ।
ADVERTISEMENT
म्याक्स दीपेश खत्रीसँगै यज्ञश्वर पौडेल निर्माता रहेको चलचित्रको अन्तर्राष्ट्रिय प्रदर्शन अधिकार एमएसएम इन्टरटेन्मेन्टले खरिद गरिसकेको छ । चलचित्र आगामी चैत ९ गतेबाट नेपालसँगै विश्वभर एकसाथ प्रदर्शनमा आउने निर्माणपक्षले जनाएको छ । प्रदीप भट्टराईको लेखन तथा निर्देशन रहेको चलचित्रका कार्यकारी निर्देशक रवीन्द्र सिंह बानियाँ हुनुहुन्छ । ‘जात्रा’ र ‘जात्रै जात्रा’को व्यावसायिक सफलतापछि षट्कोण आर्ट्सले ‘महाजात्रा’ निर्माण गरेको हो । ‘महाजात्रा’ले जीवन समृद्ध तुल्याउने सपना र आपत्कालीन रूपमा प्राप्त हुने अवसर व्यवस्थापन गर्दा आइपर्ने समस्यालाई रोचक तरिकाले प्रस्तुत गर्ने बताइएको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
देशका अधिकांश जिल्लामा वर्षा, सतर्कता