काठमाडौं । सन्त नेता कृष्णप्रसाद भट्टराई (किशुनजी)को आज (आइतबार) १००औँ जन्मदिन हो । यस उपलक्ष्यमा किशुनजीप्रति श्रद्धा अर्पण गर्दै विभिन्न कार्यक्रम गर्दै उहाँको सम्झना गरिँदै छ । राष्ट्रियता र प्रजातन्त्रप्रति अटल आस्था राखेर आजीवन संघर्ष गर्नुभएका किसुनजी नेपाली राजनीतिका एक आदर्श व्यक्तित्व र सन्त नेताका रूपमा परिचित हुनुहुन्छ । भट्टराई (वि.सं.१९८१-२०६७, राजनीतिक नामः किशुनजी) नेपालका राजनीतिज्ञ, नेपालको पहिलो संसद्का पहिलो सभामुख तथा बहुदलीय व्यवस्थाको पुनःस्थापना पश्चात्का पहिलो प्रधानमन्त्री हुनुहुन्थ्यो । उहाँ वि.सं. २००३ सालमा नेपाली कांग्र्रेस गठन गर्दादेखि नै नेपालको राजनीतिमा संलग्न हुनुहुन्थ्यो ।
उहाँले २००७ सालको सशस्त्र क्रान्तिमा जनकपुर-उदयपुर कब्जा गर्ने मुक्ति सेनाको कमाण्डरका रूपमा काम गर्नुभएको थियो । भट्टराई वि.सं. २०१५ सालमा संसद्को तल्लो सदन प्रतिनिधिसभाका सभामुख हुनुभएको थियो । भट्टराई वि.सं. २०४६ को जनआन्दोलनपछि गठित अन्तरिम मन्त्रिपरिषद्मा पहिलोपटक प्रधानमन्त्री बन्नुभएको थियो । नेपाल अधिराज्यको संविधान २०४७ निर्माण गरी लागू गराउने र बहुदलीय प्रतिस्पर्धाको आधारमा संसदीय निर्वाचन गराउने महत्वपूर्ण दायित्व उहाँले सफलतापूर्वक बहन गर्नुभएको थियो । तर, आफू प्रधानमन्त्री हुँदै गराएको २०४८ को आम निर्वाचनमा उहाँ काठमाडौंबाट पराजित हुनुभएको थियो ।
ADVERTISEMENT
पछि २०५६ को आम निर्वाचनमा विजयी भएपछि पुनः एकपटक प्रधानमन्त्री बन्नुभएको थियो । गान्धीवादी सन्त नेता मानिने भट्टराई दृढ अठोट र संकल्पका धनी व्यक्तित्व मानिनुहुन्थ्यो । स्पष्टवक्ता र सिद्धान्तनिष्ठ नेताका रूपमा चिनिनुहुने उहाँ हरदम हँसिलो व्यक्तित्व हुनुहुन्थ्यो । पदमा रहँदा व्यक्तिगत लाभमा नमुछिएकाले उहाँलाई स्वच्छ छवि भएका नेताको रूपमा लिइन्छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
देशका अधिकांश जिल्लामा वर्षा, सतर्कता