गाजामा मृत्यु हुने प्यालेस्टिनीको संख्या १५ हजार नाघ्यो

Tuesday December 5, 2023

Read Time = 2 mins

प्रिन्ट संस्करण

विदेश

A A- A+

गाजा । गत अक्टोबर ७ देखि पछिल्लो समयसम्म गाजापट्टीमा इजराइली हमलामा मर्ने प्यालेस्टिनीहरूको संख्या १५ हजार ५२३ पुगेको हमासको स्वास्थ्य मन्त्रालयले बताएको छ । मन्त्रालयका प्रवक्ता असरफ अल-किद्राले पत्रकार सम्मेलनमा स्वास्थ्य सेवाहरू प्रभावित हुँदा प्यालेस्टिनी परिसरमा घाइते मानिसको संख्या ४१ हजारभन्दा बढी भएको जानकारी दिनुभयो ।

उहाँका अनुसार उत्तरी गाजाका अस्पताल आवश्यक स्वास्थ्य सेवा प्रदान गर्न असमर्थ भएकाले सयौं घाइतेको उपचार अत्यन्त सीमित चिकित्सा उपकरणबाट जमिनमा भइरहेको छ ।

उहाँले गाजापट्टीका सबै अस्पतालमा चिकित्सा रशैय्या क्षमताभन्दा बढी सेवा प्रवाह गर्नुपर्ने बाध्यताले गम्भीर रोगहरूको उपचार गर्न संशाधनको कमी रहेको बताउनुभयो । घाइतेहरूको उपचार विदेशमा गर्ने अनुमति दिने सुस्त व्यवस्थाको आलोचना गर्दै किद्राले इजराइल-हमास युद्ध सुरु भएपछि ४०३ जनालाई मात्र उपचारका लागि गाजापट्टी छाड्ने अनुमति दिइएको उल्लेख गर्नुभयो ।

चिकित्सा आपूर्ति, औषधि र इन्धनको प्रवाह सुनिश्चित गर्न सुरक्षित मानवीय मार्गको माग दोहोर्‍याउँदै उहाँले घाइते र रोगीहरूलाई सहज उपचारका लागि विदेश जान अनुमति दिन आग्रह गर्नुभयो । रासस/सिन्हृवा ।

प्यालेस्टिनी

गाँजा

अस्पताल

यो खबर पढेर तपाईलाई कस्तो महसुस भयो ?