मुक्तककृति ‘प्रवासी मन’ सार्वजनिक

हिमालय टाइम्स कालिकोट, संवाददाता

Thursday November 23, 2023

हिमालय टाइम्स कालिकोट, संवाददाता

Thursday November 23, 2023

Read Time = 1 min

प्रिन्ट संस्करण

साहित्य/कला

A A- A+

काठमाडौं । प्रतिमा केसी ‘प्रवासी’को मुक्तककृति ‘प्रवासी सार्वजनिक गरिएको छ । मंगलबार काठमाडौंमा आयोजित एक कार्यक्रमबीच साहित्यकार उषा शेरचनलगायतले कृति सार्वजनिक गर्नुभएको हो । साहित्यकार शेरचनले कृति विमोचन गर्दै मुक्तक विधा सम्प्रेषणीय माध्यम भएको धारणा राख्नुभयो । उहाँले समसामयिक मुक्तक लेखनबारे पनि चर्चा गर्नुभएको थियो ।

समीक्षक ज्ञानु अधिकारीले कृतिमा समावेश एक हजारभन्दा बढी मुक्तकहरूमा जीवनका यावत विषय परेको उल्लेख गर्नुभयो । सोअवसरमा डा.रूपक श्रेष्ठले केसीका मुक्तकहरू प्रभावशाली भएको जिकिर गर्नुभयो ।

नेपाल मुक्तक प्रतिष्ठान काठमाडौंले आयोजना गरेको कार्यक्रममा सुनिल अधिकारी, रमेश पौडेल, राधेश्याम लेकाली, प्रतिमा केसीलगायतले आ–आफ्ना भनाइ राख्नुभएको थियो । यो कृति नेपाल मुक्तक प्रतिष्ठान, बेलायत शाखाले प्रकाशनमा ल्याएको हो ।

कृति

मुक्तक

यो खबर पढेर तपाईलाई कस्तो महसुस भयो ?