भोजपुर । भोजपुरको खानेपानी ब्यवस्थापनको जिम्मा पाएको सिलिचुङ खानेपानी मुल उपभोक्ता समितिको नेतृत्वका लागि दुई समुह बीच शुक्रवार चुनावी प्रतिष्पर्धा भएको छ ।
समितिको बिद्यान २०५७ (संसोधन सहित) को दफा १२ (१) बमोजिम मुल कार्य समिति गठन प्रक्रियाका लागि बिहानबाट नै निर्वाचन जारी रहेको निर्वाचन समितिका संयोजक भीषण श्रेष्ठले बताउनु भयो । कुल एक हजार ९ सय ५१ मतदाता रहेका छन । जसमा साढे ६ सय बढी मतदाताले मतदान गरि सकेका छन् ।
नौ जना पदाधिकारीका लागि हुने निर्वाचनमा कोषाध्यक्ष बाहेका दुई समुहबाट नै उम्मेदवारी परेको छ ।
जस अन्तर्गत अध्यक्षका उम्मेदवार तुफान किरातको समुहबाट उपाध्यक्षमा लिलामाया तामाङ, सचिव सुदिप कार्की, खुल्ला सदस्यमा नारायण बहादुर कार्की, डम्बर कुमार श्रेष्ठ, महिला सदस्य लक्ष्मी कुमारी खत्री, जनजाति सदस्य कल्पना देवी तामाङ र दलित सदस्यमा देवी सुन्दास उम्मेदवार हुनुहुन्छ ।
यसैगरी अध्यक्षका उम्मेदवार राज कुमार श्रेष्ठको तर्फबाट उपाध्यक्षमा निर्मला राई, सचिव घमचन्द्र दाहाल, खुल्ला सदस्यमा चित्रबहादुर प्रधान, रमन राई, महिला सदस्य सुशिला तामाङ, जनजाति सदस्य दिप बहादुर श्रेष्ठ र दलित सदस्यमा दुर्गा रणपहेली निर्वाचनमा सामेल हुनुहुन्छ ।
श्रेष्ठको तर्फबाट कोषाध्यक्षका उम्मेदवार कृष्ण कुमारी बिश्वकर्माले मनोनयन फिर्ता लिएपछि किरात पक्षका कृष्णमाया तामाङ कोषाध्यक्ष पदमा निर्बिरोध निर्वाचित भई सक्नुभएको छ ।
Like
Love
Happy
Surprised
Sad
Excited
Angry
