बैतडी । नेपाल-भारत सीमा झुलाघाट नाकामा सोमबार आवागमन बन्द भएको छ । भारतीय पक्षले झुलाघाट नाका स्थित झोलंगे पुलको मर्मत कार्य गरीरहेकाले आज बिहान देखी आवागमन बन्द रहेको बैतडीका प्रमुख जिल्ला अधिकारी सुरेश पन्थीले जानकारी दिनुभयो ।
आज बिहान ८ः ४५ बजेदेखी दिउँसो १ः १५ बजे सम्म र दिउँसो २ बजेदेखी अपरान्ह ४ः १५ बजे सम्म आवागमन बन्द रहने जिल्ला प्रशासन कार्यालय बैतडीले जनाएको छ। भारतको पीडब्लुडी कार्यालयले पुल मर्मतको काम गरिरहेकाले एकदिनका लागि पुलमा आवागमन बन्द गरिएको हो ।
यसअघि पुल मर्मतका बिषयमा दुवै पक्षका अधिकारीहरुबीच सहमति भएको थियो । सीमाक्षेत्रमा नेपाल-भारत समन्वय बैठक बसेको बेला पुल मर्मत गर्ने बिषयमा समेत छलफल भएको थियो ।
झुलाघाट नाकामा इष्ट इण्डिया कम्पनीले करीब डेढ सय बर्ष अगाडि निर्माण गरेको झोलुंगे पुलबाट आवतजावत गर्ने गरिएको छ । पुल जीर्ण भएकाले बेलाबेलामा मर्मत गर्ने कार्य भइरहेको प्रमुख जिल्ला अधिकारी पन्थीले बताउनुभयो ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
राजनीतिक नेतृत्व अभिभावक बन्ने कि
नेपाली राजनीति र वाराणसीका पण्डा