दोलखा । लायन्स इन्टरनेसनल डिष्ट्रिक डिले दोलखाको गौरिशंकर गाउँपालिका वडा नं. ७ र ८ मा राहत सामग्री वितरण गरेको छ । गत साउन १८ गते गएको विनाशकारी पहिरोका कारण विस्थापित भएका ६३ परिवारलाई राहत सामग्री वितरण गरिएको हो ।
अन्तर्राष्ट्रिय लायन्स क्लब अफ फाउन्डेसनको आर्थिक सहयोगमा करिब २० लाख बराबरको लत्ताकपडा, खाद्यान्न, ग्यासलगायत आधारभूत आवश्यकताका सामानहरू वितरण गरिएको लायन्स इन्टरनेशनल डी का गर्भनर रमेश लामाले बताउनुभयो ।
उक्त पहिरोमा परेर चार जनाको मृत्यु भएको थियो भने दुईजना बेपत्ता भएका थिए । कार्यक्रममा गाउँपालिकाका अध्यक्ष विश्वास कार्कीले लायन्स क्लबले जीवनमा कहिल्यै नबिर्सिने गुण लगाएको बताउनुभयो । उहाँले पिछडिएको यस क्षेत्रमा काठमाडौंदेखि आएर मानवीय सहयोग गरेकोमा आयोजकप्रति आभार पनि व्यक्त गर्नुभयो ।
कार्यक्रममा लायन्स इन्टरनेशनल डी का गर्भनर लामाले पिछडिएको यस क्षेत्रमा आएर सहयोग गर्न पाउँदा आफूहरूलाई गर्व लागेको र आउँदा दिनमा पनि समस्यामा परेका समुदायलाई मन, वचन र कर्मले सहयोग गर्न सम्पूर्ण लायन्सहरूलाई आग्रह पनि गर्नुभएको छ । उहाँले अन्तर्राष्ट्रिय लायन्स क्लबले निर्देश गरेअनुसार काम गर्दै जाने बताउनुभयो । कार्यक्रममा लायन्स क्लब अफ मनोहरालगायत अन्य क्लबहरूको पनि सहभागिता रहेको थियो ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
राजनीतिक नेतृत्व अभिभावक बन्ने कि
नेपाली राजनीति र वाराणसीका पण्डा