हुम्ला । प्रतिकुल मौसमका कारण पाँच दिनदेखि अवरुद्ध भएको हवाई सेवा पाँच दिनपछि पुनः सञ्चालनमा आएको छ ।
राष्ट्रिय सडक सञ्जालसँग नजोडिएको यस जिल्लाको सिमकोट विमानस्थल पाँच दिनसम्म उडान अवरुद्ध भएको थियो । विहान दश बजेपछि मौसम सफा हुँदा नेपालगञ्जदेखि निजी एयरलाइन्सहरूले उडान भरेका हुन् ।
नेपालगञ्जदेखि समिटका दुई वटा जहाजले एक एक उडान भरेका थिए भने सीता एयरले दुई र तारा एयरले एक गरी पाँच वटा उडान भएको सिमकोट विमानस्थलले जनाएको छ । बुधबार उडान भरेका चारवटा जहाजले नेपालगन्ज र एक उडान सुर्खेतबाट भएको सिमकोट विमानस्थलका प्रमुख महेन्द्र सिंहले बताउनुभयो ।
बिहान भरि सिमकोट क्षेत्र र हुम्ला आउने हवाई मार्गको इनरुटको मौसम खराब हुँदा उडान हुन नसकेपछि एघार बजेपछि मौसममा सफा हुँदा नेपालगन्ज र सुर्खेतबाट हवाई जहाजले उडान भर्न सफल भएको उहाँले बताउनुभयो ।
अवरुद्ध उडान सुचारु भएसँगै चार दिन अघि अस्पतालले रिफर गरेका तीन जना बिरामीहरूको उद्धार भएको छ । नेपालगन्जमा आठ दिनदेखि रोकिँदै आएका यात्रुहरू आउन पाएका हुन् । त्यसैगरि दैनिक उपभोग्य बस्तु पनि ढुवानी भएको छ ।
नागरिक उड्डयन प्राधिकरणले लागु गरेको उडान तालिम अनुसार हुम्लाको मौसम राम्रो भएको भएपनि साढे बाह्र बजेपछि भने उडान बन्द गरिएको छ । यसको विरोध गर्दै हुम्लावासीले बिहान एघार बाह्र बजेपछि मात्र मौसममा सुधार आउने भएको कारण उडान तालिका परिवर्तन गर्न माग गर्दै आएका छन् ।
Like
Love
Happy
Surprised
Sad
Excited
Angry
