मियामी । यसै सिजन फ्रान्सबाट अमेरिकी क्लब इन्टर मियामी पुग्नुभएका अर्जेन्टिनी स्टार लियोनल मेस्सीले लगातार उत्कृष्ट प्रदर्शन गर्नुभएको छ । कप्तान लियोनल मेस्सीको दुई गोलको सहयोगमा इन्टर मियामीले ओर्लान्डो सिटीलाई हराउँदै लिग्स कपको अन्तिम १६ मा प्रवेश गरेको छ । लिग्स कपको राउण्ड अफ ३२ को खेलमा मियामीले तीन-एक को जित दर्ता गरेको हो ।
मियामीका लागि प्लेयर अफ द म्याच घोषित कप्तान मेस्सीले दुई गोल तथा जोसे मार्टिनेजले एक गोल गर्नुभयो । ओर्लान्डोका लागि सेजार अराउजोले बराबरी गोल फर्काउनुभएको थियो ।
खेलको सातौँ मिनेटमा मेस्सीले इन्टरलाई अग्रता दिलाउनुभएको थियो । १७ औँ मिनेटमा ओर्लान्डोले सेजार अराउजोले रिबाउन्डमा बराबरी गोल फर्काउनुभयो । दोस्रो हाफको सुरुवातमै मार्टिनेजले पेनाल्टीमा गोल गर्दै मियामीको अग्रता दोब्बर पार्नुभयो ।
७२औँ मिनेटमा मेस्सीले व्यक्तिगत दोस्रो गोल गर्दै मियामीलाई तीन–एक ले जित दिलाउनुभयो । प्रतियोगिताको तेस्रो खेलमा मेस्सीको यो पाँचौँ गोल हो ।
अब मियामीले क्वाटरफाइनलमा पुग्न एफसी डालासको सामना गर्नेछ । डालासले मेक्सिकोको माजात्लानलाई दुई-एक ले हराउँदै अन्तिम १६ मा स्थान पक्का गरेको हो । एजेन्सी ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच