सिरहा । सिरहाको गोलबजार नगरपालिकाले आफ्नो कार्यालय सार्न लागेको भनेर गरिएको दुष्प्रचारप्रति आपत्ति जनाएको छ । पछिल्लो केही दिनयता नगरपालिका, जनप्रतिनिधि र कर्मचारीकाबारे गरिएका भ्रामक र चरित्र हत्या हुने सम्प्रेषण भएका समाचारप्रति आफ्नो गम्भीर ध्यानाकर्षण भएको नगरपालिकाले जनाएको छ ।
दवानल अनलाइन पत्रिकाले पछिल्ला केही दिनदेखि जनतालाई भ्रमित पार्ने गरी समाचार सम्प्रेषण गरेको भन्दै नगरपालिकाले त्यस्तो समाचारको भ्रममा नपर्न अनुरोध पनि गरेको छ ।
मैनावती पूर्वका खास गरी गोलवजार क्षेत्रका जनताले रोक्ने वा प्रतिवाद गर्ने भयले अत्यन्त गोप्य ढंगले कार्यालय सार्ने रणनीति बनाइएको भन्दै गरिएको दुष्प्रचारको विश्वास नगर्न नगरपालिकाले जारी गरेको प्रेस विज्ञप्तिमा उल्लेख छ ।
दवानल अनलाइन पत्रिकामा प्रकाशित गोलबजार धमिनिमन्दिर परिसरमा रहेको गोलवजार नगरपालिका नगरकार्यपालिको कार्यालय मैनावती नदीको पश्चिम किनारमा रहेको कोभिड अस्पतालको नाममा निर्माण गरिएको भवनमा सार्ने तयारी भन्ने सम्बन्धको समाचारमा सत्यता नरहेको नगरपालिकाको दाबी छ ।
कोभिड अस्पतालमा नगरपालिकाको कार्यालय सार्ने निर्णय नभई नगरपालिकाको निर्माणाधीन प्रशासकीय भवनमा सार्ने पूर्व तयारी भइरहेको गोलबजार नगरपालिकाका प्रवक्ता सञ्जित लामाले जानकारी दिनुभयाे । घटनालाई सत्यतथ्य रुपमा बुझेर समाचार सम्प्रेषण गर्न उहाँले आग्रह गरे ।
Like
Love
Happy
Surprised
Sad
Excited
Angry
देशका अधिकांश जिल्लामा वर्षा, सतर्कता