-विजय रावत
जुम्ला । जुम्लाको तातोपानी गाउँपालिकाले सेवा प्रवाह र विकास निर्माणलाई चुस्त बनाउन गाउँपालिका अध्यक्ष नन्दप्रसाद चौलागाई र प्रमुख प्रशासकीय अधिकृत तिर्थबहादुर कठायतबिच कार्यसम्पादन सम्झौतापत्रमा हस्ताक्षर भएको छ।
आर्थिक वर्ष २०७९/०८० मा कार्यसम्पादन सम्झौता गरेर अगाडि बढेको तातोपानी गाउँपालिकाले आ व २०८०/०८१ को लागि पनि सोही कार्यलाई निरन्तरता दिएको गाउँपालिकाका अध्यक्ष चौलागाईले जानकारी दिनुभयो । सुशासन (व्यवस्थापन तथा सञ्चालन) ऐन, २०६४ तथा नियमावली, २०६५, निजामति सेवा ऐन, २०४९ तथा नियमावली २०५०, स्थानीय सरकार सञ्चालन ऐन, २०७४ सवै नेपाल सरकारद्वारा समय समयमा जारी निर्देशन एवं परिपत्रमा उल्लेखित प्रावधानका आधारमा कार्यसम्पादन सम्झौता गरिएको हो।
उक्त प्रावधानअनुसार पालिका अध्यक्षले प्रमुख प्रशासकीय अधिकृत र प्रमुख प्रशासकीय अधिकृतले विषयगत शाखाका प्रमुखसँग कार्यसम्पादन सम्झौता गरिएको तातोपानी गाउँपालिकाका प्रमुख प्रशासकीय अधिकृत कठायतको भनाइ छ । गाउँपालिका अध्यक्षले प्रमुख प्रशासकीय अधिकृतसँग १८ बुँदाको सम्झौता गरेका छन् भने प्रमुख प्रशासकीय अधिकृतले सबै विषयगत शाखा प्रमुखसँग कार्यसम्पादन सम्झौता गरेको तातोपानी गाउँपालिकाले जनाएको छ ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच