कम्बोडियामा विषाक्त मदिराको सेवनबाट चारजनाको मृत्यु

Wednesday July 5, 2023

Read Time = 1 min

प्रिन्ट संस्करण

विदेश

A A- A+

नोम पेन्ह । उत्तरपूर्वी कम्बोडियाको रतनकिरी प्रान्तमा चामलको विषाक्त मदिरा पिएका चारजनाको मृत्यु भएको छ । उच्च मात्रामा मिथेनोल भएको मदिरा पिएका पाँच जनामध्ये चारजनाको ज्यान गएको सरकरी अधिकारीले बताएका छन् । विषाक्त मदिरा पिएर गम्भीर बिरामी भएका उनलाई अस्पताल भर्ना गरिएको छ । मृतकहरू केराको व्यावसायिक खेती गर्ने कृषि कम्पनीका कामदार हुन् ।

प्रयोगशाला परीक्षणबाट मदिरामा उच्च मात्रामा मिथेनोल भेटिएको र उनीहरूको मृत्युको कारण भएको प्रान्तीय गभर्नरले बताएका छन् । मदिरा बिक्रेतासँग कानुन कार्यान्वयन निकायका अधिकारीले सोधपुछ गरेका छन् ।

सस्तो मूल्यका कारण घरेलु मदिराप्रति पियक्कडहरूको आकर्षण बढेको छ । गत महिना पनि उत्तरपश्चिमी पुरसट प्रान्तमा विषाक्त मदिरा सेवन गरेका एकजनाको मृत्यु भएको थियो भने अन्य २७ जना बिरामी भएका थिए । रासस/सिन्हृवा ।

कम्बोडिया

मदिरा

मृत्यु

विषाक्त

यो खबर पढेर तपाईलाई कस्तो महसुस भयो ?