भोजपुरका स्थानीय तहको कुल बजेट तीन अर्व बाइस करोड तेह्र लाख

निरोज कोइराला भोजपुर, संवाददाता

Wednesday May 31, 2023

निरोज कोइराला भोजपुर, संवाददाता

Wednesday May 31, 2023

Read Time = 2 mins

डिजिटल संस्करण

प्रदेश समाचार

A A- A+

भोजपुर । आर्थिक बर्ष २०८०/०८१ का सरकारका अर्थमन्त्री डा.प्रकाशशरण महतले ल्याएको बजेट भाषणमा पहाडी जिल्ला भोजपुरका स्थानीय तहहरुलाई कुल तीन अर्व २२ करोड १३ लाख रुपैया बिनियोजन भएको छ ।

भोजपुरमा रहेका २ नगरपालिका र ७ गाउँपालिकाका लागि बजेट बिनियोजन भएको हो । गत आर्थिक बर्ष २०७९/०८० का लागि अर्थमन्त्री जर्नादन शर्माले ल्याएको बजेट भाषणमा भोजपुरले ३ अर्व १५ करोड ८९ लाख पाएको थियो । गत बर्षको तुलनामा अहिलेको बजेट बढी छ ।

आगामी आर्थिक बर्षको बजेटका लागि सवैभन्दा बढी षडानन्द नगरपालिकाले ५२ करोड ८४ लाख पाएको छ । यस नगरपालिका भित्र १४ वटा वडाहरु रहेका छन । सवैभन्दा कम जिल्लाको उत्तर साल्पासिलिछो गाउँपालिकाले २७ करोड ६१ लाख पाएको छ । जहाँ ६ वटा वडाहरु मात्र छन ।

यता १२ वटा वडाहरु रहेको भोजपुर नगरपालिले ४४ करोड ६० लाख बजेट पाएको छ । जिल्लाको पश्चिम टेम्केमैयुङ गाउँपालिकाले ३९ करोड ९० लाख, आमचोक गाउँपालिकाले ३२ करोड ९२ लाख, पूर्वी अरुण गाउँपालिकाले ३२ करोड ७३ लाख, रामप्रसाद राई गाउँपालिकाले ३२ करोड ६५ लाख, दक्षिण हतुवागढी गाउँपालिकाले ३० करोड ८७ लाख र पूर्वको पौवादुङमा गाउँपालिकाले २८ करोड एक लाख बजेट पाएको छ ।

भाेजपुर

बजेट

यो खबर पढेर तपाईलाई कस्तो महसुस भयो ?