काठमाडौं । सिटिजन्स बैंक इन्टरनेसनल लिमिटेड १६ वर्ष पूरा गरी १७औँ वर्षमा प्रवेश गरेको छ । करिब १५ लाख ५५ हजारलाई वित्तीय सेवा प्रदान गर्दै आएको बैंकमा चालु आर्थिक वर्षको तेस्रो त्रैमाससम्ममा कुल निक्षेप करिब एक खर्ब ६२ अर्व रुपैयाँ रहेकोमा कर्जातर्फ एक खर्ब ४३ अर्ब रुपैयाँ रहेको छ ।
सोही अवधिमा करिब एक अर्ब २४ करोड खुद मुनाफा गर्न सफल भएको छ । बैंकले वार्षिकोत्सवका अवसरमा वैशाख ७ गते सातवटै प्रदेशमा प्रभातफेरी कार्यक्रम आयोजना गर्नुका साथै नेपाल रेडक्रस सोसाइटीसँगको सहकार्यमा सातवटै प्रदेशका कुल २७ स्थानबाट करिब सात सय २६ जना रक्तदाताको सहभागितामा रक्तदान कार्यक्रम पनि गरेको थियो ।
कोशी प्रदेशअन्तर्गत धरान शाखाले विराट मेडिकल कलेजको सहकार्यमा रेलवे चोक धरानमा निःशुल्क स्वास्थ्य शिविर सञ्चालन गरेको थियो । साथै बैंकले भारतको मेदान्त मेडिसिटी अस्पतालसँग पनि बैंकका कार्डवाहक ग्राहकलाई अस्पतालको सेवाशुल्कमा छुट दिनेसम्बन्धी सम्झौता पनि गरेको छ । बैंकले सातवटै प्रदेशमा १८२ शाखामार्फत् बैंकिङ सेवा प्रदान गर्दै आएको छ ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच