काठमाडौं । नेपाल प्रहरीका १३ जना वरिष्ठ उपरीक्षक (एसएसपी) प्रहरी नायव महानिरीक्षक (डीआईजी) मा बढुवा भएका छन् ।
उपप्रधान एवं गृहमन्त्री नारायणकाजी श्रेष्ठले बुधवार बढुवा समितिको सिफारिस अनुसार बढुवा निर्णय गर्नुभएको हो। २०७९ चैत २९ मा बढुवा समितिले एसएसपीहरूलाई डिआईजीमा बढुवा गर्न सिफारिस गरेको थियो ।
डीआईजीमा बढुवा हुनेमा कुवेर कडायत, केदार ढकाल, विष्णुकुमार केसी, भरतबहादुर बोहरा, रबिन्द्र केसी, राजेशनाथ बास्तोला र चन्द्रकुवेर खापुङ रहनुभएको छ ।
यस्तै जनक भट्टराई, लालमणी आचार्य, सुरेन्द्र प्रसाद मैनाली, अर्जुनचन्द ठकुरी, यज्ञ विनोद पोखरेल, र बिकासराज खनाल पनि डीआईजीमा बढुवा हुनुभएको हो ।
बढुवा सिफारिसविरुद्ध मंगलबार एसएसपीहरू चक्रबहादुर सिंह र अनुराग द्विवेदीले लोक सेवा आयोगमा उजुरी दिनुभएको थियो । तर उहाँहरूको उजुरीले सिफारिस बदर भएन ।
बढुवा सिफारिसविरुद्ध उजुरी परेपनि उजुरी सुन्ने लोक सेवा आयोगले एक दिनमै छिनोफानो गरेको हो । डीआईजीमा बढुवा भएसँगै उहाँहरूले आज नै दर्ज्यानी चिन्ह लगाउनुहुनेछ ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच