काठमाडौं । चालु आर्थिक वर्षको आठ महिनामा नेपालको व्यापार घाटा साढे नौ खर्ब पुगेको छ । भन्सार विभागले सार्वजनिक गरेको गत फागुन मसान्तसम्मको तथ्यांकअनुसार व्यापार घाटा नौ खर्ब ५३ अर्ब ५८ करोड ९३ लाख ३७ हजार पुगेको हो ।
गत वर्षको सोही अवधिमा नेपालले ११ खर्ब ६० अर्ब ९८ करोड ८७ लाख ९० हजार रुपैयाँको व्यापार घाटा बेहोरेको थियो । तथापि व्यापार घाटामा गत आर्थिक वर्षको तुलनामा १७.८६ प्रतिशतले कमी आएको हो । आठ महिनामा कुल व्यापार ११ खर्ब ६३ अर्ब १८ करोड १७ लाख बराबर भएको छ । सो अवधिमा कुल १० खर्ब ५८ अर्ब ३८ करोडको आयात र एक खर्ब चार अर्ब ७९ करोड रुपैयाँ बराबरको निर्यात भएको छ ।
आर्थिक वर्ष २०७८/७९ को तुलनामा चालु आवको आठ महिनामा कुल व्यापार २०.१४ प्रतिशतले घटेको छ । गत आवमा कुल १४ खर्ब ५६ अर्ब ४८ करोड बराबरको व्यापार भएको थियो । गत आवमा १३ खर्ब आठ अर्ब ७३ करोडको आयात भएकोमा चालु आवको आठ महिनामा १९.१३ प्रतिशतले कमी आई १० खर्ब ५८ अर्ब ३८ करोड रुपैयाँ बराबरको सामान आयात भएको हो ।
गत आवको आठ महिनामा एक खर्ब ४७ अर्ब ७४ करोड बराबरको वस्तु निर्यात भएकोमा चालु आवको आठ महिनामा २९.०७ प्रतिशतले घटेर एक खर्ब चार अर्ब ७९ करोडको निर्यात भएको हो ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच