काठमाडौं । प्रधानमन्त्री पुष्पकमल दाहालले राष्ट्रपति र सभामुखको निर्वाचनका लागि कांग्रेससहित सबै दलको सहमति जुटाउने प्रयासमा रहेको बताउनु भएको छ ।
शनिवार सरकारी निवास बालुवाटारमा सम्पादकहरूसँगको छलफलमा प्रधानमन्त्री प्रचण्डले सत्ता साझेदार दलहरूमा राष्ट्रपति र सभामुख कसलाई बनाउने भन्नेबारे लिखित सहमति नभएको समेत जिकिर गर्नुभयो ।
उहाँले सभामुखको निर्वाचनअघि माघ ३ गतेका लागि सर्वदलीय बैठक बोलाएको बताउँदै राष्ट्रपति र सभामुखको निर्वाचनका लागि कांग्रेससहित सबै दलको सहमति जुटाउने प्रयासमा रहेको बताउनु भयो ।
उहाँले आफूलाई कांग्रेसले विश्वासको मत दिएपछि छलफल गर्ने आफ्नो जिम्मेवारी भएको बताउनु भयो ।
प्रधानमन्त्री प्रचण्डल केही दिनमै सरकारलाई पूर्णता दिने समेत बताउनु भयो ।
उहाँले भन्नुभयो, ‘ओलीजीसँग पनि सरकारलाई पूर्णता दिनेबारे छलफल भएको छ। हामीबीच केही समस्या छैन। केही दिनमै सरकारलाई पूर्णता दिन्छौँ।’
Like
Love
Happy
Surprised
Sad
Excited
Angry
देशका अधिकांश जिल्लामा वर्षा, सतर्कता