विराटनगर । प्रदेश १ को सभामुखमा नेकपा माओवादी बाबुराम गौतम निर्विरोध निर्वाचित हुनुभएकाे छ ।
प्रदेशसभाको बिहीबार बसेको बैठकमा सभाका ज्येष्ठ सदस्य गयानन्द मण्डलले गौतम निर्विरोध निर्वाचित भएको घोषणा गर्नुभएकाे हाे ।
सभामुख पदका लागि गौतमको मात्र उम्मेदवारी परेकाले उहाँ निर्विरोध निर्वाचित भएकाे ज्येष्ठ सदस्य मण्डलले जानकारी दिनुभयाे । गौतमको प्रस्तावकमा एमालेका रवतीरमण भण्डारी र समर्थकमा नारायणबहादुर मगर हुनुहुन्थ्याे ।
कांग्रेसले सभामुख पदमा उम्मेदवार नउठाउँदा गौतम निर्विरोध निर्वाचित हुनुभएकाे हाे । प्रदेश १ मा शक्ति बाँडफाँटमा माओवादीले सभामुख पाउँदा एमालेले मुख्यमन्त्री पाएको थियो ।
प्रदेश १ को पहिलो कार्यकालमा एमाले सांसद प्रदीपकुमार भण्डारी सभामुख बन्नुभएकाे थियाे । प्रदेशसभाको दोस्रो कार्यकालमा गौतम सभामुख बन्नुभएकाे हाे ।






