हेटौंडा । बाग्मती प्रदेशमा आज सानो आकारको मन्त्रिपरिषद् गठन गर्ने तयारी भएको छ ।
मुख्यमन्त्री शालिकराम जम्मकट्टेलसँगै दुई जना मन्त्रीले शपथ लिँदै हुनुहुन्छ । सोमबार नेपालको संविधानको धारा १६८ को उपधारा (२) बमोजिम जम्मकट्टेल प्रदेशको मुख्यमन्त्री नियुक्त हुनुभएको हो ।
मंगलबार बिहान साढे ९ बजे बागमती प्रदेशको चौथो मुख्यमन्त्रीका रूपमा नियुक्त भएका जम्मकट्टेललाई प्रदेश प्रमुख यादवचन्द्र शर्माले पद तथा गोपनीयताको शपथ ग्रहण गराउने कार्यक्रम तय भएको छ । उनको शपथका लागि प्रदेश प्रमुख कार्यालय हेटौंडामा तयारी भइरहेको छ ।
माओवादी केन्द्र बागमती प्रदेश संसदीय दलको नेता जम्मकट्टेल सोमबार पाँच दलको समर्थनमा मुख्यमन्त्री नियुक्त हुनुभएको थियो ।
उहाँलाई माओवादी केन्द्रका २१ सांसदसहित, एमालेका २७, राप्रपाका १३, एकीकृत समाजवादीका सात र हाम्रो नेपाली पार्टीका दुई जना गरि ७० जना सांसदको समर्थन रहेको छ ।
Like
Love
Happy
Surprised
Sad
Excited
Angry
This is breaking news.
Video News Post
Breaking News with Advertisements