बैतडी । बैतडीमा ५२ प्रतिशत मत खसेको छ । आइतबार सम्पन्न प्रदेश तथा प्रतिनिधिसभा सदस्य निर्वाचनमा बैतडीमा ७८ हजार ३६९ मत खसेको जिल्ला प्रशासन कार्यालयले जनाएको छ ।
जिल्लाका २११ वटै मतदान केन्द्रबाट ३८ हजार २७७ पुरुष र ४० हजार ९२ महिलागरी ७८ हजार ३६९ मत खसेको जिल्ला निर्वाचन कार्यालय बैतडीले जनाएको छ ।
जिल्लामा शान्त वातावरणमा मतदान भएकाले मतपेटिका ढुवानीको काम सुरु भएको जिल्ला प्रहरी कार्यालय बैतडीका प्रमुख, डिएसपी प्रेम शाहीले जानकारी दिनुभयो। जिल्ला सदरमुकाम आसपासका मतदान केन्द्रबाट मतपेटिका सदरमुकाम पुर्याइउको छ । अन्य ठाउँबाट ढुवानीको काम भइरहेको उहाले बताउनुभयो । भोलि १० बजेभित्रै मतपटिका जिल्ला सदरमुकाम पुग्ने जिल्ला निर्वाचन कार्यालय बैतडीका प्रमुख माधवप्रसाद फुयाँलले जानकारी दिनुभयो । भोलिदेखि नै मत गणना सुरु गरिने पनि उहाले बताउनुभयो ।
बैतडीमा १ लाख ५० हजार १५६ मतदाता रहेका थिए ।
Like
Love
Happy
Surprised
Sad
Excited
Angry
