-सरोज निरौला
उदयपुर । उदयपुरको त्रियुगा नगरपालिकामा निर्माणधिन सभाहल निर्माणको कामले तिब्रता पाएको छ ।
बिगत दुईवर्षदेखि काम रोकिएको सदरमुकाम गाईघाटको ‘त्रियुगा मदन भण्डारी सभा भवन तथा अतिथि गृह’ निर्माण दोस्रो फेजको बजेटको व्यवस्थासंगै निर्माणको काम शुरु भएको हो ।
दक्षिणतर्फको माथिल्लो तलाको छत ढलान र सभाहलमाथिको ट्रस प्रविधिको फलामे छानो हाल्नेलगायत रंगरोगन र झ्यालढोकाको काम मात्र बाँकी रहेको भवन थप बजेट र अन्य प्राविधिक कारणले निर्माण कार्य रोकिएको थियो ।
आयोजना कार्यालयका इन्जिनियर सुशील चौधरीले भवन निर्माण डेढवर्षभित्र सम्पन्न गरिसक्ने गरी सुनकोसी कन्स्ट्रक्सनले ठेक्का लिएको बताउनुभयो ।
इन्जिनियर चौधरीका अनुसार गत मंसिर १३ गते सम्झौता गरेर २०८० साल जेठ १४ गतेभित्र योजना सम्पन्न गरेर सरकारलाई हस्तान्तरण गर्नेगरी सम्झौता भएको छ ।
भवन निर्माणको दोस्रो फेजका लागि आयोजना कार्यालयले मूल्य अभिबृद्धि कर (भ्याट) बाहेक १८ करोड २ लाख १६ हजार १ सय ९१ रुपैयाँमा ठेक्का लागेको छ ।
आयोजना कार्यालय राजबरिाजका प्रमुख डिई सचिन्द्र देवसंगै त्रियुगा नगरपालिकाका मेयर बस्नेतले निर्माणधिन सभाहलको स्थलगत निरीक्षणका गर्नुभएको थियो ।
अनुगमन गर्दै मेयर बस्नेतले नगरपालिकाकै महत्वपूर्ण मानिएको योजना भएको हुँदा नगरपालिकाले गर्नुपर्ने सबैखाले सहयोग गर्न तयार रहेको प्रतिबद्धता ब्यक्त गर्नुभयो ।
सघन सहरी विकास तथा भवन निर्माण आयोजना कार्यालय राजविराजको रेखदेखमा निर्माणाधीन भवन दुईवर्षअघि नै पहिलो फेजको काम सकिएर बजेट अभावले रोकिएको थियो ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
राजनीतिक नेतृत्व अभिभावक बन्ने कि
नेपाली राजनीति र वाराणसीका पण्डा