डडेल्धुरा । हिउँदे वर्षा नभएपछि डडेल्धुरामा यो वर्ष हिउँदेबालीको उत्पादनमा कमी आउने अनुमान गरिएको छ । आश्विन तेस्रो सातामा चार दिन सम्म परेको अबिरल वर्षा पछि हिउँदे बाली लगाउने समय देखिनै परेको खडेरीका कारण लगाइएकोे बालीसमेत सुक्न थालेको कृषकहरु बताउँछन ।
लामो समयसम्म परेको खडेरीका कारण जिल्लामै गहुँ, जौ, उवा, केराउ, मसुरोलगायत भाद्रमा लगाएको हिउँदे आलु खेती तथा ताजा तरकारी बालीको उत्पादनमा निक्कै कमी हुने देखिएको छ ।
यसवर्ष हिंउँदे खडेरीका कारण अधिकांश क्षेत्रमा लगाएको हिउँदे वाली सुकेर नष्ट भएपछि वर्षभरी कसरी परिवार पाल्ने भन्ने चिन्ता किसानहरुमा रहेको छ ।
खेतीपातीकै भरमा जीविकोपार्जन गरिरहेका जिल्लाका अधिकांश ठाउँका किसान उत्पादनमा कमी आउने देखिएपछि दुःख गरेर लगाएको बाली हात नपर्ला भन्दै खाद्य संकट निम्तिने कृषि विज्ञ बताउँछन ।
आठ हजार सात सय ४४ हेक्टर क्षेत्रफलमा गहुँ खेती हुँदै आएको डडेल्धुरा जिल्लामा ४० प्रतिशत जमिनमा मात्रै सिँचाइको सुविधा छ ।
सिँचाइको सुविधा नभएका ठाउँमा कतिपय किसानले गहुँबालीसमेत छर्न पाएनन् भने छरेका ठाउँमा पनि खडेरीका कारण बालीनाली सुक्न थालपछि ४० प्रतिशत उत्पादन घट्ने अनुमान गरिएको छ ।
हिंउँदे वालीका लागि लामो समय सम्म पानी पनि नपर्नु र सिँचाइको पनि सुविधा नभएको क्षेत्रमा हिउँदे वाली सुक्न थालेको हो ।
Like
Love
Happy
Surprised
Sad
Excited
Angry
देशका अधिकांश जिल्लामा वर्षा, सतर्कता