सर्लाही । सर्लाहीको लालबन्दीमा व्यावसायिक रूपमा तरकारी खेती हुने गरेको छ । यस क्षेत्रका किसानको जीविकोपार्जनको मुख्य सोतका रूपमा तरकारी खेती रहेको छ । तरकारी खेती गरिरहेका किसानले पछिल्लो समय जैविक विधिबाट तरकारी खेती सुरु गरेका छन् । लालबन्दी १०, ११ र १२ का किसानलाई लालबन्दी नगरपालिकाको सहकार्यमा ग्राउन्ड्सवेलको सहयोगमा हरिपुरस्थित ग्रामीण नारी उत्थान संघले जैविक तरकारी खेती गराउँदै आएको छ ।
लालबन्दीका नगरप्रमुख वासुदेव अधिकारी, उपप्रमुख कल्पनामाया पाख्रिन, प्रमुख प्रशासकीय अधिकृत वसन्त न्यौपाने, ग्राउन्डसवेलका दक्षिण एसियाली प्रमुख नवराज उपाध्य, ग्रामीण नारी उत्थान संघका अध्यक्ष गोमादेवी न्यौपाने, उपाध्यक्ष विष्णु चालिसे, सचिव सूर्य चालिसे, वडाध्यक्षहरू, सञ्चारकर्मीलगायतको टोलीले किसानले लगाएको जैविक तरकार खेतीको अनुगमन गरेको छ ।
अनुगमनका क्रममा हिरापुुर महिला समूहका सचिव पवित्राकुमारी दंगालले संस्थाले सिकाएअनुसार आफूहरूले अर्गानिक तरिकाले खेती गर्ने गरे पनि विषादी हालेको तरकारीसँग बजारमा प्रतिस्पर्धा गर्न नसकेको बताउनुभयो । उपभोक्ताले राम्रो, चिल्लो तरकारीमा आँखा लगाउँदा अर्गानिक तरकारीले बजार पाउन नसकेको उहाँको गुनासो थियो ।
ADVERTISEMENT
त्यस्तै महिला सुधार बचत समूहकी सचिव मिना विश्वकर्माले आफूुहरूलाई जैविक मल उत्पादन गर्न गाईभंैसीको गहुँत आवश्यक रहेकाले संस्थाले पहिले बाख्रामात्र प्रदान गरेकाले गाईभंैसीको गहुँतका लागि साहु महाजन तथा छर छिमेककोमा जानुपर्ने बाध्यता रहेको बताउनुभयो । तथापि संस्थाबाट प्राप्त बाख्राका कारण दैनिक जीवनयापन सहज बनाएको विश्वकर्माको भनाइ थियो । संस्थाले प्रदान गरेको ब्याडको बोकाले समेत दैनिक आम्दानी दिन थालेको उहाँले बताउनुभयो ।
लालबन्दी नगरप्रमुख अधिकारीले किसानको समस्या समाधानका लागि नगरपालिकाले लालबन्दी बजारमा लाग्दै आयको तरकारी बजारलाई थप व्यवस्थित बनाउँदै अर्गानिक तरकारीका लागि छुट्टै व्यवस्था गर्ने बताउनुभयो । हाल उपभोक्तामा अर्गानिक र विषादी प्रयोग गरेको तरकारीबारेमा समेत फरक छुट्याउने कार्यक्रम सञ्चालन हुन नसक्दा उपभोक्ताको पहिलो रोजाइ विषादीयुक्त तरकारी रहेको भन्दै नगरपालिकाले जैविक तरकारीको बजारीकरणमा सहयोग गर्ने पनि उहाँले जानकारी गराउनुभयो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच