गाउँपालिका भित्रका ३४ विद्यालय समेटेर प्रतियोगितात्मक कार्यक्रम

निरोज कोइराला भोजपुर, संवाददाता

Tuesday December 26, 2023

निरोज कोइराला भोजपुर, संवाददाता

Tuesday December 26, 2023

Read Time = 2 mins

डिजिटल संस्करण

कोशी प्रदेश

प्रदेश समाचार

A A- A+

भोजपुर । सकारात्मक कार्यका लागि सहकार्य नामक संस्थाले विद्यालय स्तरीय अतिरिक्त क्रियाकलाप गर्ने निर्णय गरेको छ ।

बिभिन्न क्रियाकलापहरुमा सक्रिय रहँदै आएको संस्थाले जिल्लाको रामप्रसाद राई गाउँपालिका भित्र रहेका विद्यालयहरुलाई समेटेर अतिरिक्त क्रियाकलाप संचालन गर्न लागेको संस्थाका अध्यक्ष घमचन्द्र दाहालले बताउनुभयो ।

आगामी पौष १२ र १३ गते पालिका भित्रका विद्यालयहरु समेटेर कक्षा एक देखि तीनसम्ममा एकल नृत्य, कक्षा चार र पाँचमा हिसाव दौड, कक्षा छ देखि आठसम्म सफल र असल जीवनका लागि शिक्षा बिषय बक्तृत्वकला र कक्षा नौ देखि १२ सम्मका लागि भष्ट्राचार निवारण अभियानमा युवाको भूमिका बिषयमा बक्तृत्वकला प्रतियोगिता संचालन हुने अध्यक्ष दाहालले जानकारी दिनुभयो ।

आठ वटा वडा रहेको पालिकामा एक देखि चारसम्मका वडाका बिद्यालयहरुको प्रतियोगिता पौष १२ र पाँच देखि आठसम्मका वडाहरुका रहेका बिद्यालयहरुको प्रतियोगिता पौष १३ मा संचालन हुने छ ।

कार्यक्रम संचालनका लागि गाउँपालिकासँग संस्थाले मागेको अनुमति पाएपछि बिद्यालय स्तरीय अतिरिक्त क्रियाकलाप हुन लागेको हो ।

सरोकार

यो खबर पढेर तपाईलाई कस्तो महसुस भयो ?