मेयर कोइरालाबाट सशस्त्र प्रहरीको भवन शिलान्यास

निरोज कोइराला भोजपुर, संवाददाता

Friday December 15, 2023

निरोज कोइराला भोजपुर, संवाददाता

Friday December 15, 2023

Read Time = 2 mins

कोशी प्रदेश

प्रदेश समाचार

A A- A+

बिराटनगर । विराटनगर महानगरपालिकाका मेयर नागेश कोइरालाले सशस्त्र प्रहरी बल नेपाल ३ नम्बर कंकालिनी गण टंकीसिनवारी मोरङको निर्माण हुन लागेको बैठक कक्षको शिलान्यास गर्नु भएको छ ।

शुक्रबार गणमा आयोजित कार्यक्रममा मेयर कोइरालाले विधिवतरुपमा बैठक कक्षको शिलान्यास गर्नु भयो । ४० लाख रुपैयाँको लागतमा निर्माण हुन लागेको भवन एसी सहितको सुविधा सम्पन्न हुने सशस्त्र प्रहरी उपरीक्षक तीर्थराज थापाले जानकारी दिनुभयो । ४० फिट लम्बाई र २० फिट चौडाइको भवनमा बैठकका साथै अन्य कार्यक्रमका लागि समेत प्रयोग गरिने छ ।

शिलान्यास कार्यक्रममा मेयर कोइरालाले शान्ति सुरक्षा सहित सीमा सुरक्षा र तस्करी नियन्त्रणमा सशस्त्र प्रहरीको भूमिका अहम रहेको बताउनुभयो । उहाँले विपद्को बेला उद्धार र राहतमा समेत सशस्त्र प्रहरीले उत्कृष्ट काम गर्ने गरेको धारणा राख्नुभयो ।

कार्यक्रममा बूढीगंगा गाउँपालिकाका अध्यक्ष जितनारायण थापा मगर, कटहरी गाउँपालिकाका अध्यक्ष देवराज चौधरी, धनपालथानका अध्यक्ष जिवछ गच्छदार, जहदाका अध्यक्ष जितु साह, बूढीगंगा वडा नम्बर १ का अध्यक्ष सोमराज काफ्ले लगायतको उपस्थिति रहेको थियो ।

सरोकार

कांग्रेस

यो खबर पढेर तपाईलाई कस्तो महसुस भयो ?