गुल्मी । पूर्व प्रधानमन्त्री तथा नेकपा एमालेका अध्यक्ष केपी शर्मा ओली मंसिर २० गते गुल्मी आउनुहुने भएको छ ।
अध्यक्ष ओली समृद्धिका लागि संकल्प यात्रा अन्तर्गत वैतडीको झुलाघाटदेखप पाँचथरको चिवाभन्ज्याङ सम्मको यात्राको कार्यक्रमको शिलशिलामा मंसिर २० गते मुसिकोट नगरपालिकाको वामीटक्सारमा हुने सभालाई सम्बोधन गर्न आउनुहुने भएको हो ।
आइतबार नेकपा एमाले गुल्मीले तम्घासमा तयारी र पार्टीले गर्न लागेका विभिन्न कार्यक्रमहरुको बारेमा जानकारी दिने उदेश्यले पत्रकार भेटघाट राखेको थियो । वामीटक्सारमा हुने कार्यक्रममा जिल्लाका १२ वटै स्थानीय तहबाट एमाले पार्टीका नेता कार्यकर्ताको उत्साह पूर्ण सहभागिता हुने नेकपा एमाले गुल्मीका पार्टी अध्यक्ष बालसिंह काउछाले बताउनुभयो ।
बिशाल सभाको तयारी स्वरुप सबै पालिकाहरुमा नेता कार्यकर्ताहरुलाई उपस्थित हुनका निम्ति निमन्त्रण गर्नेदेखि आमसभा हुने स्थानको तयारीमा पार्टी लागेको उहाँले बताउनुभयो । अध्यक्ष ओली सहितका नेताहरुले सो सभालाई सम्बोधन गर्ने कार्यक्रम छ । सो सभामा १० हजार बढी अगुवा नेता कार्यकर्ता उतार्ने गरी एमालेले तयारी गरेको काउछाले बताउनुभयो ।
पत्रकार भेटघाट कार्यक्रममा नेकपा एमाले पोलिटब्युरो सदस्य तथा सांसद सूर्य थापाले समृद्धिको यात्राले जनतामा थप उत्साह पैदा भएको बताउनुभयो । मंसिर १४ गतेदेखि एमालेले सुरु गरेको समृद्धिका लागि संकल्प यात्रासहित मध्यपहाडि राजमार्ग यात्राले पार्टीमा र जनतामा थप उत्साह पैदा भएको उहाँले बताउनुभयो ।
Like
Love
Happy
Surprised
Sad
Excited
Angry
This is breaking news.
Video News Post
Breaking News with Advertisements
Breaking news with related posts