हुम्ला । लामो समयदेखि हुम्लामा शिक्षा क्षेत्रमा काम गर्दै आएको आधार विकास नेपाल संस्थाले सिमकोट गाउँपालिका–८ साँता गाउँमा रहेको श्री बलभद्र आधारभूत विद्यालयका शिक्षक विद्यार्थीलाई स्कुल पोशाक र झोला सहयोग गरेको छ ।
आधार विकास संस्थाले विद्यालयमा अध्ययनरत १६३ विद्यार्थीलाई विद्यालय पोशाक र झोला सहयोग गरेको भने ४ जना शिक्षकलाई पोशाक सहयोग गरेको सोही संस्थाका हुम्ला संयोजक कन्जोक लामाले बताउनुभयो । आइतबार विद्यालयमै पुगेरविद्यालयमा अध्ययरत विद्यार्थीहरूको सहजताका लागि विद्यालयलाई पोशाक हस्तारण गरेको संयोजक लामाले बताउनुभयो । भौगोलिक विकटताका कारण पठनपाठनमा समस्या हुँदै आउनुका साथै विद्यार्थीहरुलाई अध्ययन गर्न सजिलो होस् भनेर पोशाक सहयोग गरिएको उहाँले बताउनुभयो ।
विद्यालयमा अध्ययनरत विद्यार्थीहरूलाई जाडोमा चिसोबाट जोगिन सहयोग पुगोस् भन्ने उद्देश्यले पनि सहयोग स्वरूप उक्त पोशाक सहयोग गरिएको हो ।
आधार विकास नेपाल संस्थाले हुम्लाको सिमकोट र नाम्खा गाउँपालिकामा शिक्ष क्षेत्रमा काम गर्दै आएको छ । उक्त संस्थाले सोही विद्यालयमा तीन जना कर्मचारी समेत नियुक्ती गरेको छ । यस विद्यालयमा शिक्षकको अभाव हुँदै आएपछि दुई जना शिक्षक र एक जना कार्यालय सहयोगी कर्मचारी आधार विकासले सोही विद्यालयमा खटाउँदै आएको छ । अहिले श्री बलभद्र आधारभूत विद्यालयमा १६३ जना विद्यार्थी छन् भने ८ जना शिक्षक कार्यरत रहेका छन् ।
आधार विकास नेपाल संस्थाले शिक्षा,स्वास्थ्य क्षेत्रमा काम गर्नुका साथै विभिन्न समयमा उक्त क्षेत्रमा भएका समस्यालाई समाधान तथा सहयोग गर्दै आएको छ । स्टेशनरी, शैक्षिक सामाग्री देखि निजी शिक्षक खटाउनुका साथै भवन समेत लगाउँदै आएको छ ।
Like
Love
Happy
Surprised
Sad
Excited
Angry
