लसएन्जल्स । हलिउड चलचित्र ‘बार्बी’ले हरेक हप्ता नयाँ रेकर्ड कायम गरिरहेको छ ।
ग्रेटा गेरविग निर्देशित यो चलचित्रले बक्स अफिसमा उल्लेखनिय कमाइ गरेका छ । चलचित्रले अघिल्लो हप्ता एक अर्ब उमेरिकी डलर कमाइ गरेर रेकर्ड राखेको थियो । यो हप्ता कमाइको शृंखला जारी राख्दै नयाँ इतिहास रचेको जनाइएको छ ।
चलचित्रकी निर्देशक ग्रेटा गेरविग सबैभन्दा बढी कमाइ गर्ने महिला निर्देशक बनेको एजेन्सीहरूले उल्लेख गरेका छन् । यो क्रममा उहाँले ‘फ्रोजन २’का निर्देशक जेनिफर ली र क्रिस बकलाई पछि छोडनुभएको छ ।
वाल्ट डिज्नेले सन् २०१९ मा रिलिज गरेको चलचित्रले चार सय ७७ मिलियन डलर कमाइ गरेको थियो ।
‘बार्बी’ले बिहीबारसम्ममा चार सय ९२ मिलियन कमाइ गरेको छ । यो हप्ता सकिँदा चलचित्रले पाँच सय मिलियन कमाइ गर्ने देखिएको छ । योसँगै चलचित्र घरेलु बजारबाट मात्र पाँचसय मिलियन कमाइ गर्ने २० औँ चलचित्र बनेको छ ।
Like
Love
Happy
Surprised
Sad
Excited
Angry
देशका अधिकांश जिल्लामा वर्षा, सतर्कता