गुल्मी । गुल्मीको तम्घासमा रहेको तम्घास टेक्निकल शिक्षालयमा प्रमाणपत्र तहको एचए र फिजियोथेरापी तीन वर्षे कार्यक्रम सञ्चालन हुने भएको छ । प्राविधिक शिक्षा तथा व्यावसायिक तालीम परिषद् सिटिइभिटिबाट मान्यता प्राप्त यस शिक्षालयमा शैक्षिकसत्र २०८०/०८१ मा प्रमाण पत्र तह सामान्य चिकित्सा हेल्थ एसिस्टेन्ट (एचए) र प्रमाण पत्र तह फिजियोथेरापी तीन वर्षे कार्यक्रम सञ्चालन गर्न लागिएको तम्घास टेक्निकल शिक्षालयका अध्यक्ष शेर बहादुर थापाले जानकारी दिनुभयो ।
अहिले प्रमाणपत्र तह सामान्य चिकित्सा हेल्थ एसिस्टेन्ट (एचए) र प्रमाण पत्र तह फिजियोथेरापी तीन वर्षे कार्यक्रम सञ्चालन गर्नको लागि अनुमति प्राप्त भइसकेको छ । यसका लागि शिक्षालयले अहिले भर्ना समेत खुला गरेको उहाँले बताउनुभयो ।
विगत २५ वर्ष देखि यस शिक्षालयमा अनमी तथा सिएमए कार्यक्रम सञ्चालन रहेको थियो । तर पछिल्लो तीन वर्ष यता स्तरोन्नती गर्ने क्रममा शिक्षालय बन्द थियो । यहाँ रोल्पा, डोल्पा, मुगु, जुम्लालगायतका जिल्लाबाट समेत अध्ययनका लागि आउने गरेको उहाँले बताउनुभयो ।
यस शिक्षालयबाट उत्पादित करिब ६० प्रतिशत जनशक्ति सरकारी सेवामा सेवारत रहेका छन् । भने ३० प्रतिशत विद्यार्थी नीजि क्षेत्रमा कार्यरत छन् । यहाँबाट उत्पादित जनशक्ति हाल जिल्लाको पालिका तथा हेल्थ पोष्टहरुमा, स्वास्थ्य संयोजक तथा कार्यालय प्रमुखको रुपमा धेरै सेवारत रहेको अध्यक्ष थापाले बताउनुभयो । हालसम्म यस शिक्षालयबाट तीन हजार बढी जनशक्ति तयार गरिएको छ ।
Like
Love
Happy
Surprised
Sad
Excited
Angry
