काठमाडौं । विशिष्ट चलचित्रकर्मीद्वय यादव खरेल तथा नीर शाहलाई २०७८ तथा २०७९ सालको हरिश-भुवन चन्द पुरस्कार प्रदान गरिने भएको छ । भुवन चैत्य बसुन्धारा फाउण्डेशनका अध्यक्ष भुवन थापा चन्दको अध्यक्षतामा बसेको बैठकले खरेल तथा शाहलाई पुरस्कृत गर्ने निर्णय गरेको हो ।
बैठकले विशिष्ट संगीतकर्मी गणेश रसिकलाई २०७८ तथा विशिष्ट चलचित्रकर्मी अभिनेता शिव श्रेष्ठलाई २०७९ सालको चैत्यदेवी पुरस्कार अर्पण गर्ने निर्णय पनि गरेको फाउण्डेशनका महासचिव मोहन निरौलाद्वारा जारी प्रेस विज्ञप्तिमा उल्लेख छ । यस्तै विशिष्ट चलचित्रकर्मी अभिनेत्री मिथिला शर्मालाई २०७८ साल तथा विशिष्ट चलचत्रिकर्मी अभिनेत्री शर्मिला मल्ललाई २०७९ सालको चेतनारायण-बसुन्धरा भुसाल पुरस्कार अर्पण गर्ने निर्णय भएको छ ।
विसं २०७५ सालमा स्थापना भएको भुवन चैत्य बसुन्धरा फाउण्डेशनले नेपाली कला, संस्कृति र संगमञ्च गीत, संगीत साहित्य समाजसेवाका साथै नेपाली चलचित्रको विभिन्न विधाका सर्जक, श्रष्टा र व्यक्तित्वहरुको योगदान र साधनाको सम्मान गर्दै पुरस्कार र लिखत-पत्र अर्पण गर्दै आएको छ ।
पुरस्कारको राशी जनही ५१ हजार रुपैयाँ रहेको छ । पुरस्कार साउनको तेस्रो हप्तामा विशेष समारोहको आयोजना गरी अर्पण गरिने बताइएको छ ।
Like
Love
Happy
Surprised
Sad
Excited
Angry
