गुल्मी । नेपाली काँग्रेसका सहमहामन्त्री बद्री पाण्डे गुल्मीको सदरमुकाम तम्घासमा आउनु हुने भएको छ । सहमहामन्त्री पाण्डे शुक्रबार तम्घासमा आउन लाग्नुभएको हो ।
“सुदृढ लोकतन्त्रका लागि बदलिएको काँग्रेस” भन्ने मुल नारासहित नेपाली काँग्रेस रेसुङ्गा नगर कार्यसमितिको आयोजनामा हुन लागेको दोस्रो नगर सम्मेलनलाई सम्बोधन गर्न प्रमुख अतिथिको रुपमा सहमहान्त्री पाण्डे तम्घासमा आउन लाग्नुभएको छ ।
दोस्रो नगर सम्मेलनलाई सफल बनाउनका लागि नगरपालिका भित्रका सबै क्षेत्रीय प्रतिनिधि, वडा सभापतिसहित पदाधिकारी तथा सदस्यहरु, नगर सदस्यहरु, भातृ तथा शुभेच्छुक संस्थाका पदाधिकारी तथा सदस्यहरु, टोल सभापति, क्रियाशील सदस्य सबै सहभागी हुने नगर सभापति जयश्वर पन्थीले जानकारी दिनुभयो ।
सम्मेलनमा पार्टीका लुम्बिनी प्रदेश उपसभापति भुवनप्रसाद श्रेष्ठ, जिल्ला सभापति खिलध्वज पन्थी, लुम्बिनी प्रदेश सदस्यसहित जिल्लाका शिर्ष नेताहरुको समेत सहभागिता रहने नेपाली काँग्रेस नगर कार्यसमितिले जनाएको छ ।
Like
Love
Happy
Surprised
Sad
Excited
Angry
This is breaking news.
Video News Post
Breaking News with Advertisements
Breaking news with related posts