कालिकोट । कालिकोटको रास्कोट नगरपालिका–२ सेराचौरमा जीप दुर्घटना हुँदा दुई जनाको घटनास्थलमै मृत्यु भएको छ ।
सेरा बसपार्कबाट जितेका लागि छुटेको ग ३ च ४६१० नम्बरको बोलेरो जीप दुर्घटना भएको प्रहरीले जनाएको छ ।
दुर्घटनामा परेर रास्कोट–१ का ४३ बर्षीय मनबहादुर शाही र उहाँको श्रीमती मनकुमारी शाहीको मृत्यु भएको छ । सोही जीप दुर्घटनामा रिता सिंह गम्भीर घाइते हुनुहुन्छ ।
प्रहरीका अनुसार दुर्घटनामा दुई जनाको मृत्यु भएको र गाडी सात सय मिटर तल खोलामा खसेका कारणले अन्य जानकारी आउने क्रममा रहेको जनाइएको छ ।
इलाका प्रहरी कार्यालय रास्कोटबाट प्रहरी टोली घटनास्थल तर्फ गएको छ । स्थानीयका अनुसार चालकले गाडी स्टार्ट गरेर जुत्ता लगाउन गएका बेला गाडी ब्याक सरेर खोलामा गएको हो ।
घाइते रितासिंहको अवस्था चिन्ताजनक रहेको छ । घाइतेलाई उपचारका लागि रास्कोट अस्पताल लगिएको छ । हेलिकप्टरबाट घाइतेको उद्धार गरी उपचार गर्ने प्रयास भए पनि आर्थिक अभावका कारण समस्या भएको परिवारले बताएका छन् ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
राजनीतिक नेतृत्व अभिभावक बन्ने कि
नेपाली राजनीति र वाराणसीका पण्डा