वासिङ्टन । हाल सिरियामा लगभग दुई हजार अमेरिकी सेना तैनाथ रहेका रक्षा विभाग (डिओडी) ले जनाएको छ । पेन्टागनका प्रवक्ता प्याट राइडरले नियमित पत्रकार सम्मेलनमा भन्नुभयो, ‘हामीले सिरियामा करिब ९०० अमेरिकी सेना तैनाथ गरिरहेकोमा थप एक हजार १०० सेना त्यहाँ पठाउने सुनिश्चित गरेका छौँ । आइएसआइएस मिसनलाई पराजित गर्न मद्दत गर्ने यी सेनाहरू असद शासनको पतन हुनुअघि नै त्यहाँ थिए ।’
नोभेम्बर २७ मा हयात तहरीर अल-शाम (एचटिएस) को नेतृत्वमा सिरियाली सशस्त्र विपक्षीहरूले एलेप्पो र इडलिब प्रान्तहरूमा सरकारी सेनाहरूविरुद्ध ठूलोमात्रामा आक्रमण सुरु गरेका थिए । आक्रमणलगत्तै डिसेम्बर ७ सम्म राष्ट्रपति बसर असदका विपक्षीहरूले अलेप्पो, हामा, दारा र होम्सलगायत धेरै प्रमुख शहरहरू कब्जा गरेका थिए ।
ADVERTISEMENT
डिसेम्बर ८ मा तिनीहरू दमास्कस प्रवेश गरेलगत्तै असदले राजीनामा दिनुभयो र देश छोड्नुभयो । यसले सिरियामा अल-असद परिवारको ५० वर्षभन्दा बढी समयको कठोर शासनको अन्त्य भएको छ ।
डिसेम्बर १० मा मोहम्मद अल–बशीरले सन् २०२५ मार्च १ सम्म सिरियाको अन्तरिम सरकारको प्रमुखका रूपमा आफ्नो नियुक्ति घोषणा गर्नुभएको छ । रासस/एएनआई ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry