आकाशमा होल्ड भएको थाई एयर एसियाको विमान अवतरण

Sunday October 27, 2024

Read Time = 1 min

डिजिटल संस्करण

समाचार

A A- A+

काठमाडौं । नेपालमा उडान अनुमति ‘एक्स्पायर’ (म्याद सकिएको) थाई एयर एसियाको जहाजलाई अन्ततः मानवीयताका आधारमा काठमाडौंमै अवतरण गर्न अनुमति दिइएको छ ।

झन्डै एक दर्जन फन्का मारेको थाई एयर एसियाको उक्त जहाज भर्खरै त्रिभुवन अन्तर्राष्ट्रिय विमानस्थल अवतरण गरेको छ ।

उक्त विमान त्रिभुवन अन्तर्राष्ट्रिय विमानस्थलमा अवतरण गर्न खोजेको भन्दै आइतबार आधा घण्टाभन्दा बढी आकाशमै होल्ड गरिएको थियो ।

त्रिभुवन विमानस्थलका महाप्रबन्धक जगन्नाथ निरौलाले जहाजमा रहेका यात्रुको सुरक्षा र मानवीयताका आधारमा जहाजलाई काठमाडौंमा अवतरण अनुमति दिइएको बताउनु भयाे ।

विमानस्थल स्रोतका अनुसार उक्त जहाजको अवतरण अनुमति हिजोसम्म मात्र थियो, आजको शेड्युलमै थिएन, त्यसैले होल्ड गराएको हो ।

सरोकार

यो खबर पढेर तपाईलाई कस्तो महसुस भयो ?