विश्व ज्ञान सिद्धान्तको विकासमा एसियाली दृष्टिकोण आवश्यक छ : महासचिव पोखरेल

'प्रधानमन्त्री ओलीलाई अङ्ग्रेजी नआएर ‘डाँफेज’ र ‘गैंडाज’ भन्नुभएको होइन'

हिमालय टाइम्स कालिकोट, संवाददाता

Friday October 4, 2024

हिमालय टाइम्स कालिकोट, संवाददाता

Friday October 4, 2024

Read Time = 2 mins

डिजिटल संस्करण

समाचार

A A- A+

काठमाडौं । नेकपा एमालेका महासचिव शंकर पोखरेलले पार्टी अध्यक्ष एवम् प्रधानमन्त्री केपी शर्मा ओलीले अङ्ग्रेजी शब्द नआएर ‘डाँफेज’ र ‘गैंडाज’ शब्द प्रयोग नगरेको दाबी गर्नुभएको छ ।

शुक्रबार सामाजिक सञ्जाल फेसबुकमा स्टाटस लेख्दै महासचिव पोखरेलले प्रधानमन्त्री ओलीले अमेरिका भ्रमणका क्रममा अङ्ग्रेजी भाषणमा ‘डाँफेज’ र ‘गैँडाज्’ शब्द प्रयोग गरेको सन्दर्भमा सामाजिक सञ्जालमा प्रधानमन्त्रीलाई ती शब्दको अङ्ग्रेजी नआएको भनेर मजाक गरिएको सन्दर्भमा अङ्ग्रेजी शब्द नआएर ‘डाँफेज’ र ‘गैंडाज’ शब्द प्रयोग नगरेको स्पष्ट गर्नुभएको हो ।

अमेरिका भ्रमणका सन्दर्भमा प्रयोग गरिएको शब्दलाई सोही परिप्रेक्षकमा बुझ्नुपर्ने भन्दै त्यो विचारले अहिले नै मान्यता पाइहाल्छ भन्ने नभएको उहाँको भनाइ थियो ।

उहाँले थप लेख्नुभएको छ, ‘तर ज्ञान सिद्धान्त निर्माणमा पश्चिमाकरणको मान्यता मात्र ठिक भन्ने बौद्धिक मत उचित होइन । विश्व ज्ञान सिद्धान्तको विकासमा एसियाली दृष्टिकोण आवश्यक छ भन्ने सत्यलाई बुझ्नु पर्दछ र त्यसलाई स्थापित गर्न निरन्तर प्रयास गर्नु पर्दछ ।’

यसअघि प्रधानमन्त्री ओलीले संयुक्त राष्ट्रसङ्घको ७९औं महासभामा भाग लिन अमेरिका गएका बेला प्रधानमन्त्री ओलीले कोलम्बिया विश्वविद्यालयले आयोजना गरेको अन्तर्क्रिया कार्यक्रममा ‘गैंडाज’ र ‘डाँफेज’ शब्द प्रयोग गर्नुभएको थियो ।

सरोकार

केपी शर्मा ओली

सरकार

प्रधानमन्त्री

यो खबर पढेर तपाईलाई कस्तो महसुस भयो ?