धादिङ । घरमाथिबाट आएकाे पहिरोले घर पुरिँदा धादिङको थाक्रे गाउँपालिका-६ महादेवबेशीका ४५ वर्षीय सानु राईको मृत्यु भएको छ ।
आज बिहान करिब ६ बजेतिर घरमाथि पहिरो खस्दा थाक्रे गाउँपालिका-६ महादेवबेशीका ४५ वर्षीय सानु राईको मृत्यु भएको धादिङ प्रहरीले जनाएको छ । यसैगरी धादिङको सदरमुकाम धादिङबेसीलाई पृथ्वीराजमार्गसँग जोड्ने कालु पाण्डे राजमार्ग पहिरोले अवरुद्ध भएको छ ।
धादिङको नीलकण्ठ नगरपालिका-८ दारेगौडा र साघुटारमा सडक माथिबाट खसेको ढुंगगा माटोसहितको पहिरोले सडक दुईतर्फी अवरुद्ध भएको हो। अहिले त्यस क्षेत्रमा सवारी आवागमन पूर्ण रुपले अवरुद्ध बनेको छ । पहिरोले ढुंगा र रुखहरू खसेकोले तत्काल बाटो खुलाउन कठिन भएको छ ।
यसैगरी हिजो साझ धादिङको गजुरी गाउँपालिका वडा नम्बर ७ र ८ को बिचमा पर्ने घट्टेखोलामा आएको बाढीले बगाउदा एक बालिका अझै बेपत्ता छिन् । बेपत्ता बालिकाको पहिचान भने खुल्न नसकेको जिल्ला प्रहरी कार्यालय धादिङका सूचना अधिकारी प्रहरी निरीक्षक प्रल्हाद सिलवालले जानकारी दिनुभयो ।
यस्तै गजुरी गाउँपालिका वडा नम्बर २ गुम्बाडाडाँमा रहेको ओडारमा खसेको पहिरोले पुरिएर २ जना बेपत्ता भएका छन् । नदीमा माछा मार्न गएका बेनिघाटरोराङ गाउँपालिका वडा नम्बर ६ का ४० वर्षीय जनता चेपाङ र २० वर्षीय सन्तु चेपाङ पहिरोमा परेर बेपत्ता भएको जिल्ला प्रहरी कार्यालय धादिङका सूचना अधिकारी प्रहरी निरीक्षक प्रल्हाद सिलवालले जानकारी दिनुभयो । पहिरोले पुरिएपछि बेपत्ता २ जनाको खोजी गर्न नेपाल प्रहरी, सशस्त्र प्रहरी, नेपाली सेना र स्थानीयबासीले खोजतलास गरिरहेको प्रहरीले जनाएको छ ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच