कालीकोट । मान्म-कोटबाडा केबुलकार सञ्चालन गर्ने योजना सम्भाव्यता अध्ययनमै अलमल भएको छ । केबुलकार अध्ययनको काम थालिएको लामो समय भइसक्दा पनि सम्भाव्यता अध्ययनले पूर्णता पाउन सकेको छैन ।
कालीकोटको खाँडाचक्र नगरपालिका-१, मान्म र नरहरिनाथ गाउँपालिकाको कोटबाडा जोड्ने केबुलकार निर्माणको अध्ययन थालिएको लामो समय भइसक्दा पनि यसले पूर्णता पाउन नसकेको हो । दुई हजार १५७ मिटरको दूरीमा रहने केबुलकारको सम्भाव्यता अध्ययनमै विलम्ब भएको छ । अहिलेसम्म अध्ययनको काम सकिएको छैन । कर्णाली प्रदेश सरकारले आर्थिक वर्ष २०७८/७९ देखि सम्भाव्यता अध्ययनको काम थालेको थियो ।
२०७८ फागुन ८ गते मान्म-कोटबाडा केबुलकारको सम्भाव्यता अध्ययनका लागि सम्झौता गरी काम अघि बढाइएको थियो । स्थानीयको सहजताका लागि केबुलकार निर्माणको काम थालिएको प्रदेशको भौतिक पूर्वाधार तथा शहरी विकास मन्त्रालयले जनाएको छ ।
सरकारले चालु आवमा समेत केबुलकार निर्माणको काम अघि बढाउन बजेट विनियोजन गरेको मन्त्रालयका प्रवक्ता रमेश सुवेदीले बताउनुभयो । यो वर्ष प्रदेश सरकारले १० लाख रुपैयाँ बजेट विनियोजन गरेको छ । उहाँका अनुसार पूर्वाधार विकास कार्यालय कालीकोटले सम्भाव्यता अध्ययनको काम थालेको हो ।
ADVERTISEMENT
नरहरिनाथ गाउँपालिका-१ मा रहेको सुनथराली विमानस्थलसम्म पुग्न र विमानस्थलबाट सदरमुकाम मान्म पुग्न छिटोछरितो र सहज होस् भन्ने हेतुले प्रदेश सरकारले केबुलकारको अवधारणा ल्याएको हो । पूर्वाधार विकास कार्यालय कालीकोटले २०७८ फागुन ८ गते रोपवे एण्ड केबुलकार कम्पनी प्रालि ललितपुरसँग १७ लाख ३० हजार रुपैयाँमा सम्भाव्यता अध्ययनका लागि सम्झौता गरेको थियो ।
२०७९ असारमा सम्भाव्यता अध्ययनको काम सक्ने गरी काम थालिएको दाबी गरिएको छ तर अहिलेसम्म पनि सम्भाव्यता अध्ययनको कामले पूर्णता पाएको छैन । सम्भाव्यता अध्ययनको प्रारम्भिक प्रतिवदेन भने कम्पनीले कार्यालयमा बुझाइसकेको छ । अहिले केही थप अध्ययनका लागि पुनः काम भइरहेको पूर्वाधार विकास कार्यालय कालीकोटले जनाएको छ ।
पूर्व सम्भाव्यताको अध्ययनको काम सम्पन्न गर्न नै ढिलाइ भइरहेको छ । मान्म-कोटबाडा केबुलकार बने नेपालकै प्रसिद्ध धार्मिकस्थल बडीमालिका मन्दिर जान सहज हुने भए पनि केबुलकार निर्माणमा अन्योलता छाएको छ । पूर्वाधार विकास कार्यालय कालीकोटका अनुसार केबुलकार निर्माणमा एक अर्ब १४ करोड चार लाख ६५ हजार ८९० रुपैयाँ लागत अनुमान गरिएको छ ।
केबुलकार परियोजनाको विस्तृत परियोजना प्रतिवेदन पनि अधुरै रहेकाले बजेट आए पनि काम सुरु हुन सकेको छैन । यसको लम्बाइ दुई हजार १४७ मिटर र उचाइ ८२९ मिटर हुने छ भने प्रतिसेकेण्ड छ मिटर हिँड्ने र एक पटकमा १५ जना आउन/जान पाउने छन् । यस्तै, एक ठाउँबाट अर्को ठाउँमा जान छ मिनेट लाग्ने छ । अहिले मान्मदेखि कोडवाडा जान गाडीमा तीन घण्टा र पैदल जाँदा ६ घण्टा लाग्ने गरेको छ । नरहरिनाथको कोडवाडामा सुनथराली विमानस्थल निर्माण गरिएको छ । केबलकार तयार भए मात्र आवतजावतमा सहजता हुने स्थानीयले बताएका छन् ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
This is breaking news.
Video News Post
Breaking News with Advertisements
Breaking news with related posts