नवलपरासी । पश्चिम नवलपरासीको बर्दघाट नगरपालिकाले कार्य सम्पादन सम्झौता गरेको छ । चालु आर्थिक बर्षमा नगर कार्यापालिकाले गरेका नीति तथा कार्यक्रम र बजेट कार्यान्वयनका सन्दर्भमा बर्दघाट नगरपालिकाका नगर प्रमुख शम्भुलाल श्रेष्ठ र प्रमुख प्रशासकीय अधिकृत प्रकाश खनालबीच कार्य सम्पादन सम्झौता भएको हो ।
चालू आर्थिक बर्षका लागि कार्यापालिकाले तय गरेका नीति कार्यक्रम र बजेटका सन्दर्भमा प्रमुख प्रशासकीय अधिकृत खनाल र शाखा प्रमुखहरु बीचसमेत कार्य सम्पादन सम्झौता गरिएको छ । शिक्षा, स्वास्थ्य र राजस्व शाखालाई ९० प्रतिशत पूरा गर्नु पर्ने लक्ष्य निर्धारण गरिएको प्रमुख प्रशासकीय अधिकृत प्रकाश खनालले बताउनु भयो । " हामीले शाखागत रूपमा कार्य सम्पादन सम्झौता गरेका छौं । जसमा कम्तीमा ८० प्रतिशत हासिल गर्न शाखाहरुलाइ लक्ष्य दिइएको छ ।" खनालले भन्नुभयो । स्वास्थ्य शाखा स्वास्थ्य चौकी र नगर अस्पतालसङ्ग र शिक्षा शाखा विद्यालयहरुसङ्ग कार्य सम्पादन सम्झौता गरीने खनालले उल्लेख गर्नु भयो ।
भौतिक निर्माण र कृषि तर्फ भने ८० प्रतिशतको लक्ष्य दिइएको छ । बर्दघाट नगरपालिकाको काममा चुस्त र दुरुस्त रुपमा गर्नका लागि कार्य सम्पादन सम्झौता गरिएको नगर प्रमुख शम्भुलाल श्रेष्ठले बताउनु भयो । " प्रत्येक शाखालाई जिम्मेवारी पुर्ण बनाउन शाखागत कार्य सम्पादन सम्झौताले सहयोग गर्छ ।" नगर प्रमुख श्रेष्ठले भन्नु भयो । कार्य सम्पादन सम्झौताले शाखागत काम र सो कामको जवाफदेहिता बढ्ने श्रेष्ठको भनाइ छ ।
अहिले नगरले गरेको कार्य सम्पादन सम्झौता अनुसार प्रत्येक चौमासिकमा शाखागत रुपमा समिक्षा गरीने नगर उपप्रमुख रुद्र प्रकाश उपाध्यायले बताउनु भयो । कार्य सम्पादन सम्झौतामा सेवा प्रवाह र पारदर्शीता लाई उच्च प्राथमिकता दिइएको छ । साथै सुसासन कायम, सार्वजनिक सुनुवाइ, गुनासो सुनुवाइ, सेवाग्राही मैत्री व्यवहार, तथ्यांक अभिलेखिकरण र व्यवस्थापन, राजस्व संकलन, पुजिगत खर्च, बजार ब्यवस्थापन, लेखा परिक्षण प्रतिबेदनको सार्वजनिकिकरण जस्ता बिषयहरु समेटिएका छ्न ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच