काठमाडौं । आरती पावर कम्पनीले सर्वसाधारणलाई प्रतिकित्ता अंकित मूल्य एक सय रुपैयाँ दरका ३६ लाख कित्ता साधारण सेयर निष्कासन गर्ने भएको छ । जसका लागि कम्पनीले ग्लोबल आइएमई क्यापिटललाई निष्कासन तथा बिक्री प्रबन्धक नियुक्त गरेको हो । बिहीबार आरती पावर कम्पनीको कार्यालयमा आयोजित एक कार्यक्रमबीच आरती पावर कम्पनीका कार्यकारी अध्यक्ष भरतबहादुर खत्री र ग्लोबल आइएमई क्यापिटलका प्रमुख कार्यकारी अधिकृत मन्दिप लुईँटेलले उक्त सम्झौतापत्रमा हस्ताक्षर गर्नुभएको हो ।
२०७२ सालमा प्रालिका रूपमा दर्ता भई २०८० मा पब्लिक कम्पनीका परिणत भएको कम्पनीको अधिकृत पुँजी एक अर्ब ४० करोड, जारी पुँजी एक अर्ब ४० करोड र चुक्ता पुँजी एक अर्ब चार करोड रहेको छ । कम्पनीले ३६ करोड रुपैयाँ बराबरको साधारण सेयर सर्वसाधारणमा निष्कासन गर्न लागेको हो । माथिल्लो इखुवा जलविद्युत् आयोजना कोशी प्रदेशको भोजपुर जिल्लामा अवस्थित छ ।
आयोजना क्षेत्र भोजपुरको प्रमुख ऐतिहासिक शहरमध्येको एक दिङ्लाबाट करिब १२ किलोमिटर उत्तरपश्चिममा पर्छ । १४.५ मेगावाटको आयोजनास्थल साल्पासिलिछो गाउँपालिका र षडानन्द नगरपालिकामा पर्छ । परियोजनाको मुख्य संरचना जस्तै हेडवर्क, सर्ज ट्यांक र पावरहाउस इखुवा खोलाको बायाँ किनारमा अवस्थित छ ।

बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
राजनीतिक नेतृत्व अभिभावक बन्ने कि
नेपाली राजनीति र वाराणसीका पण्डा