घुस लिएको आरोपमा पर्यटन विकास आयोजनाका इन्जिनियरसहित ३ जनाविरुद्ध मुद्दा

हिमालय टाइम्स कालिकोट, संवाददाता

Friday July 5, 2024

हिमालय टाइम्स कालिकोट, संवाददाता

Friday July 5, 2024

Read Time = 1 min

डिजिटल संस्करण

समाचार

A A- A+

काठमाडौं । अख्तियार दुरुपयोग अनुसन्धान आयोगले पर्यटन विकास आयोजना इकाई कार्यालय, काठमाडौंका इन्जिनियर राजिव बस्नेतसहित ३ जनाविरुद्ध भ्रष्टाचार मुद्दा दायर गरेको छ ।

१७ हजार रुपैयाँ घुस लिएको आरोपमा अख्तियारले इन्जिनियर बस्नेतसहित सव-इन्जिनियरद्वय राजन कुमार भट्टराई र संजय अर्यालविरुद्ध विशेष अदालत काठमाडौमा भ्रष्टाचार मुद्दा दायर गरेको हो ।

आयोगका प्रवक्ता नरहरि घिमिरेका अनुसार उनीहरुले निर्माण कार्य सम्पन्नपश्चात अन्तिम बिल भुक्तानी गर्ने प्रयोजनका लागि सेवाग्राहीसँग सव-इन्जिनियरद्वय भट्टराई र अर्यालले १७ हजार रुपैयाँ घुस लिएका थिए । उनीहरू दुवै जना घुस रकमसहित पक्राउ परेको अख्तियारले जनाएको छ ।

साथे अनुसन्धानका क्रममा पर्यटन विकास आयोजना इकाई कार्यालय, काठमाडौंका इन्जिनियर बस्नेतले उक्त रकम लिन लगाएको पुष्टि भएपछि तिनै जनाविरुद्ध मुद्दा दायर गरिएको आयोगले जनाएको छ ।

सरोकार

अदालत

यो खबर पढेर तपाईलाई कस्तो महसुस भयो ?