काठमाडौं । नेपाल विद्युत् प्राधिकरणले नेपालका उद्योगमा लोडसेडिङ गरेर विद्युत् निर्यात गरेको भन्दै नेपाल उद्योग परिसंघले आपत्ति जनाएको छ । प्राधिकरणले सोमबारदेखि दैनिक चार सय मेगावाट विद्युत् निर्यात गरेको जनाएको थियो । सरकारले स्वदेशी उद्योग प्रवद्र्धन गर्ने, निजी क्षेत्रको मनोबल बढाउन प्रयासरत रहेको बताइरहँदा सरकारी निकाय नै रहेको विद्युत् प्राधिकरणले स्वदेशी उद्योग मारेर कसरी विद्युत् निर्यात गर्न सक्यो भन्नेमा चिन्तित भएको परिसंघले बताएको छ ।
परिसंघद्वारा जारी विज्ञप्तिमा भनिएको छ,‘हामीले विद्युत् उत्पादन कम हुँदा आयात गरेरै भए पनि उद्योगलाई विद्युत् उपलब्ध गराउन आग्रह गर्दै आएका थियौँ । तर, प्राधिकरणले विद्युत् आयात गर्दा महँगो पर्ने तर्क गर्दै आयात नै गरेन । जसको मारमा उद्योगहरू विगत तीन महिनाअघिदेखि पर्दै आएका छन् । अहिले विद्युत् बचत हुँदा पनि उद्योगलाई पर्याप्त उपलब्ध नगराई निर्यात गर्नु भनेको प्राधिकरणले आफूलाई ‘खुद निर्यातकर्ता’ देखाउन खोजेको पुष्टि गरेको छ । प्राधिकरणको यस कार्यको परिसंघ खेद प्रकट गर्दछ ।’
ADVERTISEMENT
स्वदेशी उद्योगमा बिजुली मागेजति नदिने तर निर्यात गरेर आम्दानी देखाउनेतर्फ ध्यान नदिई स्वदेशी उद्योग प्रवद्र्धनमा सहयोग गर्न पनि परिसंघले प्राधिकरणको ध्यानाकर्षण गराएको छ । उद्योगलाई पर्याप्त विद्युत् उपलब्ध गराएर बचत रहेको विद्युत्मात्रै निर्यात गर्न पनि उसले माग गरेको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
Breaking news with related posts