काठमाडौं । नेपाल लाइफ इन्स्योरेन्सले बाल जीवन बिमा योजना बजारमा ल्याएको छ । एक महिनादेखि १७ वर्ष उमेर समूहका बालबालिकाका लागि ल्याएको यस बिमा योजनामा उमेर न्यूनतम २१ वर्षदेखि अधिकतम ६५ वर्ष उमेर हद तोकिएको छ । बालबालिकाको अधिकतम उमेर २५ वर्षमा र प्रस्तावकको उमेर ७० वर्षमा बिमा अवधि समाप्त हुने गरी पोलिसी निर्धारण गर्नुपर्ने व्यवस्था योजनामा रहेको छ । बिमा पोलिसीमा प्रस्तावले ऐच्छिक सुविधाअन्तर्गत दुर्घटना मृत्यु लाभ(एडिबी) पूर्णरूपमा अशक्तता/प्रिमियम छुट लाभ, घातक रोगविरुद्धको सुविधा पाउन सक्नेछन् ।
बीमितले आफूलाई सुविधा हुने गरी वार्षिक/अर्धवार्षिक/त्रैमासिक/मासिक तथा एकल भुक्तानी सुविधा पाउनेछन् तर वार्षिकरूपमा बिमा शुल्क भुक्तानी गर्दा थप शुल्क भुक्तानी गर्नु नपरे पनि अर्धवार्षिकरूपमा बिमा शुल्क भुक्तानी गर्दा भने एक प्रतिशत थप बिमा शुल्क भुक्तानी गर्नुपर्छ । त्रैमासिक र मासिकरूपमा बिमा शुल्क भुक्तानी गर्दा भने दुई प्रतिशत थप बिमा शुल्क भुक्तानी गर्नुपर्ने व्यवस्था छ ।
वार्षिक तीन किस्ता बिमा शुल्क भुक्तानीका साथै बिमा प्रारम्भ भएको मितिबाट तीन वर्ष पूरा भएपछिमात्रै समर्पणको सुविधा रहेको छ ।
ADVERTISEMENT
समर्पण गर्नुपर्ने बाध्यता आइपरेमा कम्पनीले बीमितलाई समर्पण मूल्यको ९० प्रतिशत वा बिमांक रकमको २५ प्रतिशत रकम तथा आर्जित बोनसमध्ये जुन रकम कम हुन्छ, सो रकम ऋणका रूपमा उपलब्ध गराउनेछ । बिमा अवधिभित्र बीमित बालिबालिका तथा प्रस्तावकको मृत्यु भएमा ऋण सुविधाबापत दिइएको रकम कटाई बाँकी रकम भुक्तानी गरिने व्यवस्था छ । समर्पण सुविधाअन्तर्गत वार्षिक तीन किस्ता बिमा शुल्क भुक्तानीका साथै बिमा प्रारम्भ मितिबाट तीन वर्ष पूरा भएपछि समर्पण मूल्य प्राप्त गर्न सकिनेछ ।
यस बिमा योजनामा प्रस्तावकको बिमा प्रारम्भ भएको मितिदेखि जोखिम प्रारम्भ हुन्छ भने बालबालिकाको बिमा प्रारम्भ भएको मितिले दुई वर्षपछि वा बच्चाको उमेर पाँच वर्ष पूरा भएपछिको बिमालेखको वार्षिकोत्सव जुन अगाडि आउँछ, सोही समयदेखि जोखिम प्रारम्भ हुने कम्पनीले जनाएको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
देशका अधिकांश जिल्लामा वर्षा, सतर्कता