काठमाडौं । हिमालय टाइम्सका आर्थिक व्युरो प्रमुख लेखनाथ पोखरेलमाथि अर्थ मन्त्रायलमा दुर्व्यवहार भएको छ । सोमबार मन्त्रालयमा आयोजित चालु आर्थिक वर्ष २०८०/०८१ को बजेटको अर्धवार्षिक समीक्षा कार्यक्रमको रिपोर्टिङका लागि अर्थ मन्त्रालयको कार्यक्रम हलभित्र प्रवेश गर्ने क्रममा अर्थमन्त्रीका पिएसओले पोखरेलमाथि दुव्र्यवहार गरेका हुन् ।
पिसएसोले पोखरेल कार्यक्रम हलभित्र प्रवेश गर्न लाग्दा ‘तपाईं के का लागि आउनुभएको ? भन्दै सोधीखोजी गरेका थिए । आफू कार्यक्रममा आएको बताउँदा उनले ‘क्यामेरा खोइ त ? मोबाइलले फोटो खिच्न पाइँदैन’ भन्दै बाहिरै बस्न उर्दी दिए । फोटो खिच्न नभई न्यूज रिपोर्टिङका लागि आएको बताउँदा पनि उनले भित्र छिर्न दिएनन् । उनले आइडी कार्ड मागे, पोखरेलले सूचना विभागको आइडी कार्ड देखाउनुभयो । फेरि पनि उनले निहुँ खोज्दै ‘झुण्डयाउने कार्ड खोइ त ?’ भन्दै भित्र अनावश्यक केरकार गर्न छाडेनन् ।
ADVERTISEMENT
एकजना विशुद्ध श्रमजीवीलाई आफ्नो पेशागत कर्तव्य पालनका क्रममा ती पिएसओले फौजदारी अभियुक्तलाई जस्तो दुव्र्यबहार, दुरुत्साहन, मानमर्दन र मानसिक टर्चर दिएको महसुस गरेको पोखरेलले बताउनुभएको छ । यस घटनालाई नेपाल पत्रकार महासंघ, हिमालय टाइम्स प्रतिष्ठान शाखाले निन्दा र भत्र्सना गर्दै दोषीमाथि कारबाहीको माग गरेको छ । प्रतिष्ठानका अध्यक्ष चूडामणि कोइरालाले विज्ञप्ति जारी गर्दै घटनाको निन्दा एवं भत्र्सना गर्दै दोषीमाथि कारबाहीको माग गर्नुभएको हो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
देशका अधिकांश जिल्लामा वर्षा, सतर्कता