भोजपुर, विराटनगर । नेपाली काँग्रेसका वरिष्ठ नेता डा. शेखर कोइरालाले प्रधानमन्त्री पुष्पकमल दाहाल प्रचण्डले सहिदहरुको अवमूल्यन हुने काम गरेको आरोप लगाउनु भएको छ ।
मंगलबारबाट सुरु भएको समुदायमा काँग्रेस अभियानको विराटनगरमा सुरुआत गर्दै नेता कोइरालाले सहिदको अवमूल्यन हुने काम प्रधानमन्त्री दाहालबाट भएको बताउनु भएको हो । प्रजातन्त्रका लागि बलिदानी दिएका सहिदको अवमुल्यन प्रधानमन्त्री दाहालले गरेको धारणा राख्दै नेता कोइरालाले भन्नुभयो, ‘प्रधानमन्त्रीजीले तीन हजार थप सहिद थप्ने कुरा गर्नु भयो । सहिद दिवसका दिन हामीले सहिदहरुलाई अवमूल्यन गर्न भएन, त्यो कुरामा ध्यान दिन आवश्यक छ ।’
‘सहिदको वास्तविक परिभाषालाई अंगिकार गरि अघि बढ्दा सहिदहरुप्रति सच्चा श्रद्धाञ्जली हुन्छ भन्ने मलाई लाग्छ । सहिदको संख्या थप्दै गर्दा सहिदकै अपमान हुने बुझेको छु ।’ नेता कोइरालाले भन्नुभयो ।
प्रधानमन्त्री पुष्पकमल दाहाल प्रचण्डले माघ १३ गते काठमाडौंमा आयोजित एक कार्यक्रममा करिब ३ हजारलाई छिट्टै सहिद घोषणा गर्ने अभिव्यक्ति दिनु भएको थियो ।
यस्तै नेता कोइरालाले काँग्रेस समुदायमा पुगेर जनभावना बुझ्न अघि बढेको उल्लेख गर्दे समुदायस्तरमा देखिएका कमीकमजोरीलाई आत्मसात गर्दै अप सच्चिएर काँग्रेस अघि बढ्नु पर्ने बताउनुभयो । कोइरालाले विराटनगरमा शुद्ध खानेपानीलाई प्रभावकारीरुपमा जनतामाझ पुराउन महानगरले काम गर्दै आएको बताउनुभयो ।
ADVERTISEMENT
जापानको सहयोगी संस्था जाईकाले महानगरभित्र विच्छाइएको खानेपानीको पुरानो र्पाप विस्थापित गर्दै नयाँ पाइप लगाउने कार्य अघि बढेको उल्लेख गरे । त्यसैगरि, सुकुम्बासी र सिंघिया खोलाको तटबन्धको समस्याबारे उठेको जिज्ञासा नेता कोइरालाले सिंघिया खोलामा अस्थायी तटबन्ध बन्ने बताए । उनले भने, ‘प्रदेश सरकारले यस क्षेत्रमा कोरिडोर निर्माण गर्नेछ । यसका लागि ठूलो बजेट लाग्ने र समय लाग्ने हुँदा अब केही समय धैर्य गरिदिन आग्रह छ।’
देश आर्थिक सङ्कट रहेका बेला अध्यादेश मार्फत पदाधिकारीको सङ्ख्या थप्दै गाडी सुविधा दिने कोशी प्रदेश सरकारको निर्णय प्रति उहाँले असन्तुष्टि जनाउनु भयो ।
गाडी सुविधा दिने उद्देश्यले प्रदेश सभाका पदाधिकारी तथा सदस्यहरूको सेवा सम्बन्धी ऐन २०७५ संशोधन गरेकोमा उहाँको असन्तुष्टि थियो ।
‘देशमा आर्थिक सङ्कट छ । सङ्कटको बेला सुविधा घटाउनु पर्नेमा सुविधा बढाएकोमा ज्यादै पीडा भएको छ, ‘ एकातिर अहिले संस्थानहरु बन्द गर्नु पर्छ भन्दैछौं, अर्को तिर सांसदहरुलाई सुविधा बढाउने कुराले नेपाली कांग्रेसका साथीहरूलाई पीडा बोध भएको मलाई लागि रहेको छ ।’ उहाँले भन्नुभयो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच