काठमाडौं । नेकपा एमालेका अध्यक्ष केपी शर्मा ओलीले पहाडी क्षेत्रको सदुपयोग गर्न नसक्दा देश गरिबीको मारमा परेको बताउनुभएको छ ।
शुक्रवार तेह्रथुममा आयोजित महाकाली–मेची अन्तर्गतको पार्टीको सभालाई सम्बोधन गर्दै उहाँले यस्तो बताउनुभएको हो । उहाँले नेपाल मुलतः पहाडी देश भएपनि यसको उचित सदुपयोग गर्न नसकेको बताउनु भयो ।
उहाँले कृषिको आधुनिकीकरण,व्यवसायीकीकरण,वैज्ञानिक ढंगले आधुनिक प्रविधिको प्रयोग गरेर खेती किसानी गर्न जरुरी रहेको बताउनु भयो । उहाँले उत्पादनका लागि प्रविधिको प्रयोग गर्न जरुरी रहेको बताउनु भयो ।
ADVERTISEMENT
उहाँले भन्नुभयो, ‘वास्तवमा हाम्रो देश मुलतः पहाडी देश हो । आधा भन्दा बढी जनसंख्या भएको पहाड, भूभाग पनि प्रशस्त भएको पहाड, तर त्यसको सदुपयोग गर्न नसकेर हामी गरिवीको मारमा परेका छौँ । त्यसको सदुपयोग गर्न आवश्यक छ । कृषिको आधुनिकीकरण गर्न, व्यवसायीकीकरण गर्न जरुरी छ, वैज्ञानिक ढंगले, तरिकाले आधुनिक प्रविधिको प्रयोग गरेर खेती किसानी गर्न जरुरी छ । पुरानै ढंगले होइन । खेतीपाती,, फलफूल, बालबालिका, पशुपालन, वा अरु विषयका लागि हामीले उत्पादनका लागि प्रविधिको प्रयोग गर्नुपर्नेछ ।’
अध्यक्ष ओलीले देशलाई समृद्ध र सुखी बनाउन नेकपा एमालेले प्रयत्न र प्रयास गरिरहेको बताउनु भयो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
देशका अधिकांश जिल्लामा वर्षा, सतर्कता