काठमाडौं । अख्तियार दुरुपयोग अनुसन्धान आयोगले नक्कली सर्टिफिकेट बनाएको आरोपमा राष्ट्रिय अनुसन्धान विभागका तत्कालीन अनुसन्धान अधिकृतविरुद्ध भ्रष्टाचार मुद्दा दायर गरेको छ ।
आयोगले शैक्षिक योग्यताको नक्कली प्रमाणपत्र बनाएको आरोपमा विभागका तत्कालीन अनुसन्धान अधिकृत माधव बस्नेतविरुद्ध आइतवार विशेष अदालत काठमाडौंमा भ्रष्टाचार मुद्दा दायर गरेको अख्तियारका सहायक प्रवक्ता देवी प्रसाद थपलिया जानकारी दिनुभयो ।
उहाँका अनुसार बस्नेतको शैक्षिक प्रमाणपत्र नक्कली रहेको भन्दै छानबिन गरी कारबाही गर्नका लागि आयोगमा उजुरी परेको थियो ।
अनुसन्धानका क्रममा बस्नेतले माध्यमिक शिक्षा परिषद् क्षेत्रीय कार्यालय, प्रयागराज, भारतबाट जारी भएको हाइस्कुल तहको नक्कली प्रमाणपत्र पेश गरी विभागमा सहायक निरीक्षक पदमा नियुक्ति लिई बढुवासमेत भई पुष्टि भएको थियो ।
बस्नेतको उक्त कार्य भ्रष्टाचार निवारण ऐन २०५९ को दफा १६(१) बमोजिमको कसुर भएकोले माधव बस्नेतलाई सोही ऐनको दफा १६९१० बमोजिम कैद र जरिवाना हुन मागदावी लिई आज बिशेष अदालत काठमाडौंमा आरोपपत्र दायर गरिएको अख्तियारले जनाएको छ ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
राजनीतिक नेतृत्व अभिभावक बन्ने कि
नेपाली राजनीति र वाराणसीका पण्डा