काठमाडौं । एमाले प्रदेश संसदीय दलका नेता हिक्मतकुमार कार्कीले आज कोशी प्रदेशको मुख्यमन्त्रीको शपथ लिने हुनुभएको छ ।
बिहीबार सर्वोच्च अदालतले नेपाली काँग्रेसका उद्दव थापालाई मुख्यमन्त्रीबाट पदमुक्त गरेसँगै कार्की मुख्यमन्त्री बन्न लाग्नुभएको हो ।
मुख्यमन्त्रीको शपथ ग्रहणसँगै आजै २ जना मन्त्री नियुक्त गर्ने तयारी भएको छ । स्रोतका अनुसार कार्कीले आजै तीलकुमार मेन्याङ्वो र एकराज कार्कीलाई मन्त्री बनाउने तयारी गर्नुभएको छ ।
सर्वोच्च अदालतले ठूलो दलको हैसियतले ४८ घण्टाभित्र मुख्यमन्त्री नियुक्त गर्न परमादेशसमेत दिएको थियो । जसअनुसार एमाले कोशी प्रदेश संसदीय दलका नेतासमेत रहनुभएका कार्की मुख्यमन्त्री बन्न लागेका हुन् ।
बिहीबार सर्वोच्चका न्यायाधीशत्रय नहकुल सुवेदी, कुमार चुडाल र सपना प्रधान मल्लको पूर्ण इजलासले उद्धव थापा नेतृत्वको सरकारले लिएको विश्वासको मत असंवैधानिक ठहर गर्दै कार्कीलाई संविधानको धारा १६८ को उपधारा ३ अनुसार मुख्यमन्त्री बनाउन परमादेश जारी गरेको थियो ।
Like
Love
Happy
Surprised
Sad
Excited
Angry
