खोटाङ । राष्ट्रिय मानव अधिकार आयोग कोशी प्रदेश शाखा कार्यालय खोटाङले खोटाङ जिल्ला अस्पतालको समस्याका बारेमा कोशी प्रदेश स्वास्थ्य मन्त्रालयमा पत्रचार गरेको छ ।
अस्पतालको समस्याका विषयमा जनमानसबाट आलोचना र लगातार समाचार प्रकाशन भएपछि १२ भदौबाट अस्पतालको अनुसन्धान तथा अनुगमन गरिरहेको आयोगले शुक्रबार(आज)ईमेलमाफर्त अस्पतालको समस्याका विषयमा मन्त्रालयलाई पत्रचार गरेको जानकारी प्राप्त भएको छ ।
आयागले मन्त्रालयलाई अस्पतालको यथार्थ समस्याको विवरणसहित सञ्चारमाध्यममा आएका समाचारको लिंक राखेर पत्रचार गरेका हुन् । पत्रमा अस्पतालको समस्या र समाधानका विषयहरु समाबेश गरिएको श्रोत बताउँछ ।
आयोगले नै गत बुधबार जिल्ला समन्वय समितिलाई अस्पतालका विषयमा आएको समाचार र समाचारमा देखाईएका समस्या बारे सत्यतथ्य जानकारी दिन पत्रचार गरेको थियो । समन्वयले हालसम्म जानकारी भने दिएको छैन ।
अस्पतालको समस्यामाथि सुरु गरिएको अनुगमन र अनुसन्धान टुंगोमा नपुगेसम्म निरन्तर चलिरहने आयोगका प्रमुख उपसचिव गीता कुमारी दाहालले बताउनुभयो ।
७ भदौमा जिल्ला अस्पताल खोटाङको सेवालाई लिएर चौतर्फी आलोचना भएपछि सञ्चारमाध्यमहरुले अस्पतालको यथार्थ समाचार श्रृङखलाबद्ध बाहिर ल्याईरहेका छन् ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच