एनआइसी लघुवित्तको नाफा ३० करोड

हिमालय टाइम्स

Tuesday August 15, 2023

हिमालय टाइम्स

Tuesday August 15, 2023

Read Time = 1 min

अर्थ ताजा समाचार

अर्थ/कर्पोरेट

A A- A+

काठमाडौं । एनआइसी एसिया लघुवित्त वित्तीय संस्थाले आर्थिक वर्ष २०७९/८० को चौथो त्रैमाससम्मको अपरिष्कृत वित्तीय विवरण सार्वजनिक गरेको छ । कर्जा विस्तारभन्दा कर्जाको गुणस्तरलाई प्राथमिकतामा राखेको संस्थाले चौथो त्रैमाससम्ममा कुल लघुकर्जा १८ अर्ब ४५ करोड ६६ लाख पुर्‍याएको छ । प्रतिसेयर आम्दानी १७.२५ सहित गत आर्थिक वर्ष ३० करोड खुद मुनाफा आर्जन गर्न सफल भएको छ ।

त्यसैगरी आर्थिक वर्ष २०७९/८० मा स्व-पुँजीमा प्रतिफल वार्षिक १२.०२ प्रतिशत रहेको छ । तरलता अभावको विषम परिस्थितिमा समेत बचत परिचालनतर्फ दुई अर्ब २३ करोड १८ लाख पुर्‍याउन सफल भएको छ । निष्क्रिय कर्जा पनि ४.६४ प्रतिशतमा सीमित राख्न सफल भएको छ । संस्थाले गत आर्थिकसम्म मुलुकभरका ७४ जिल्लामा दुई सय ८७ शाखामार्फत् दुई लाख सात हजार पाँच सय ७६ विपन्न परिवारलाई लघुवित्त सेवा प्रदान गरेको छ ।

लघुवित्त

एनआइसी

यो खबर पढेर तपाईलाई कस्तो महसुस भयो ?